Tower Bomb threat: आयफेल टॉवरमध्ये बॉम्ब असल्याची माहिती मिळाल्याने खळबळ उडाली आहे. रॉयटर्स या वृत्तसंस्थेने दिलेल्या माहितीनुसार, बॉम्बची माहिती मिळाल्यानंतर पोलिसांनी आयफेल टॉवर संकुल रिकामे केले आहे.
तसेच, आयफेल टॉवर पुढील आदेशापर्यंत पर्यटकांसाठी बंद करण्यात आला आहे. फ्रेंच पोलिस सूत्रांनी याबाबत माहिती दिली आहे.
फ्रान्स पोलिस सूत्रांनी सांगितले की, पॅरिसच्या मध्यवर्ती भागात असलेल्या आयफेल टॉवरचे तीन मजले खाली करण्यात आले येत आहे. पोलिसांच्या अनेक तुकड्याही घटनास्थळी तैनात आहेत. आयफेल टॉवरच्या आजूबाजूलाही बॉम्बचा शोध सुरु आहे.
पोलिसांनी (Police) या ऐतिहासिक वास्तूभोवती बॅरिकेडिंगही केले आहे. तसेच, खबरदारी म्हणून पर्यटकांना टॉवरपासून दूर राहण्यास सांगितले जात आहे.
आयफेल टॉवरच्या सुरक्षेबद्दल बोलायचे झाल्यास, टॉवरच्या साउथ पिलरजवळ एक पोलीस ठाणे आहे. जिथे मोठ्या प्रमाणात पोलीस तैनात आहेत. संकुलात प्रवेश करण्यापूर्वी पर्यटकांना कडक सुरक्षा निगराणीतून जावे लागते.
आयफेल टॉवरचे बांधकाम जानेवारी 1887 मध्ये सुरु झाले आणि 31 मार्च 1889 रोजी संपले. 1889 च्या जागतिक मेळ्यादरम्यान, दोन दशलक्ष पर्यटकांनी (Tourists) आयफेल टॉवर पाहिला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.