अमेरिकेत गोळीबाराच्या घटना थांबण्याचे नाव घेत नाही आहेत. अमेरिकेतून पुन्हा एकदा गोळीबाराची घटना समोर आली आहे. हे प्रकरण ओक्लाहोमा येथील मेमोरियल डे उत्सवाशी संबंधित आहे, जेथे गोळीबारात एक व्यक्ती ठार झाला आहे आणि सात जण जखमी झाले आहेत. (Oklahoma shooting 1 killed 7 injured in US shooting)

तशी अमेरिकन मीडियातून ही माहिती समोर आली आहे. याआधी टेक्सासमधील एका शाळेतील विद्यार्थ्याने 19 विद्यार्थ्यांसह 21 जणांची गोळ्या झाडून हत्या करण्यात आली होती. अमेरिकेतील टेक्सास राज्यातील उवाल्डे शहरामध्ये 24 मे रोजी झालेल्या गोळीबारात 19 मुले आणि दोन शिक्षकांचा मृत्यू झाला होता.

धक्कादायक घटना

अधिकाऱ्यांनी दिलेल्या माहितीनुसार, शाळेत गोळीबार करणारा 18 वर्षीय हल्लेखोर साल्वाडोर रामोस हा मुळात गुन्हेगारी स्वभावाचा नव्हताच. 24 मे रोजी, त्याने उवाल्दे शहरातील राब येथे प्राथमिक शाळेत AR-15 अर्ध-स्वयंचलित रायफलने गोळीबार केला होता, ज्यात 19 मुलांसह 21 लोक ठार झाले होते. त्याने त्याच्या आजीला शूटिंग करून मारून तो शाळेत पोहोचला होता. अमेरिकेचे राष्ट्राध्यक्ष जो बायडेन (Joe Biden), उपाध्यक्ष कमला हॅरिस (Kamala Harris) आणि संयुक्त राष्ट्राचे महासचिव यांनी या घटनेबद्दल शोक व्यक्त केला.

अध्यक्ष बायडेन यांनी कडक इशारा दिला

अमेरिकेचे राष्ट्राध्यक्ष जो बायडेन (Joe Biden) म्हणाले की, रॉब एलिमेंटरी शाळेमध्ये घडलेली घटना अत्यंत दुःखद आहे. राष्ट्राला संबोधित करताना बायडेन पुढे म्हणाले की, 'आता कृती करण्याची वेळ आली आहे. जे कॉमन सेन्स गन कायद्याला वेळ लावतात किंवा त्यामध्ये अडथळा आणतात त्यांना हे सांगणे आवश्यक आहे. आम्ही त्यांना विसरणार नाहीये. या दुःखात विचारात बेडवर झोपून विचारात पडलेल्या माता पित्यांच्या सोबत आमची प्रार्थना आहे.