देशात आलेल्या नैसर्गिक आपत्तींच्या (Natural Disaster in US) पार्श्वभूमीवर अमेरिकेचे (America) अध्यक्ष जो बायडन (Joe Biden) यांनी गुरुवारी व्हाईट हाऊसमध्ये (White House) भाषण केले. यावेळी बायडन म्हणाले की, सरकार तुम्हाला मदत करण्यासाठी तयार आहे. देश भीषण वादळे, पूर आणि जंगलातील आग याचा सामना करण्यासाठी आणि हवामान बदलाला (Climate Change) सामोरे जाण्यासाठी मोठ्या प्रमाणावर सार्वजनिक संकल्प करण्याचे आवाहनही त्यांनी यावेळी केले. बायडन यांनी शुक्रवारी चक्रीवादळाने प्रभावित झालेल्या लुईझियानाला (Louisiana) भेट दिली.

जो बायडन नैसर्गिक आपत्तींनी प्रभावित झालेल्या ठिकाणांना भेट देत आहेत. लुईझियानाचे डेमोक्रॅटिक पक्षाचे (Democratic Party) गव्हर्नर जॉन बेल एडवर्ड्स (John Bel Edwards) यांची भेट घेणार आहेत, ते इतर अधिकाऱ्यांनाही भेटतील आणि पूरग्रस्त लॅप्लेसला (Flood in Louisiana) भेट देतील (लुझियानामधील पूर). ते नैसर्गिक आपत्तीमुळे प्रभावित झालेल्या इतर भागांचा हवाई दौरा देखील करणार आहेत.

माजी राष्ट्रपतींनी पूरग्रस्त भागाला भेट दिली

माजी राष्ट्रपतींनी अशा नैसर्गिक संकटांना कसे सामोरे गेले या आधारावर बायडन यांना आखण्याचा प्रयत्न केला जात आहे. डोनाल्ड ट्रम्प (Donald Trump) यांनी नैसर्गिक संकट आले होते तेव्हा पुएर्टो रिकोमध्ये लोकांना कागदी टॉवेल वाटले होते त्यानंतर त्यांच्यावर विरोधकांनी जोरदार टीका केली होती. बराक ओबामांनी (Barack Obama) वादळानंतर न्यू जर्सीच्या रिपब्लिकन गव्हर्नरला मिठी मारली, ज्यामुळे आधीच सुरु असलेला तणाव काहीसा कमी झाला होता. इडा चक्रीवादळानंतर बायडन हवामान बदलासारख्या आव्हानाला सामोरे जात आहेत. शास्त्रज्ञांचे म्हणणे आहे की, हवामान बदलामुळे हवामानाशी संबंधित गंभीर आपत्ती निर्माण होऊ शकतात.

आम्हाला तयार असले पाहिजे, पावले उचलली पाहिजेत: बायडन

नैसर्गिक आपत्तींव्यतिरिक्त, बायडन यांना इतर आव्हानांचाही सामना करावा लागत आहे. जसे की, अफगाणिस्तानमधील वाचलेल्यांना बाहेर काढणे, कोरोनाव्हायरसच्या नव्या डेल्टा व्हेरिएंटमुळे निर्माण झालेल्या अनिश्चिततेचा सामना. बायडन पुढे म्हणाले, "इडा चक्रीवादळ, पश्चिमेकडील जंगलातील आग आणि न्यूयॉर्क आणि न्यू जर्सीमधील अभूतपूर्व फ्लॅश पूर हे पुन्हा आठवण करून देतात की आपण भयानक चक्रीवादळ आणि हवामान संकटाचा सामना करत आहोत." आपल्याला तयार राहावे लागेल, आपल्याला योग्य ती पावले उचलावी लागतील. इडा चक्रीवादळाने अमेरिकेच्या पूर्व किनारपट्टीवर कहर केला आहे. गुरुवारी मुसळधार पावसामुळे, वादळाच्या प्रभावामुळे, नद्यांच्या पाण्याची पातळी वाढली आणि त्यानंतरच्या पुराचे पाणी घरे आणि कारमध्ये शिरल्याने 40 हून अधिक लोक बुडाले.