Pakistan Flood Death Dainik Gomantak
ग्लोबल

Pakistan Flood: पाकिस्तानमध्ये पावसाचे थैमान! पुरामुळे 72 जणांचा मृत्यू; महामार्गही बंद होण्याची शक्यता

Pakistan Flood Death: वायव्य खैबर पख्तुनख्वा, पूर्व पंजाब, दक्षिण सिंध आणि नैऋत्य बलुचिस्तान प्रांत या भागांत जून २६ पासून पावसामुळे ७२ जणांचा मृत्यू झाला आहे.

Sameer Panditrao

इस्लामाबाद: पाकिस्तानमध्ये दहा दिवसांपासून सुरू असलेल्या मुसळधार पावसामुळे आणि अचानक आलेल्या पुरामुळे किमान ७२ जणांचा मृत्यू झाला आहे. राष्ट्रीय आपत्ती व्यवस्थापन प्राधिकरणाने ही माहिती सोमवारी दिली.

वायव्य खैबर पख्तुनख्वा, पूर्व पंजाब, दक्षिण सिंध आणि नैऋत्य बलुचिस्तान प्रांत या भागांत जून २६ पासून पावसामुळे ७२ जणांचा मृत्यू झाला आहे. येथे अजून अजून पाऊस पडणार असून पूर येण्याची शक्यता आहे. महामार्गही बंद होऊ शकतात. यामुळे स्थानिकांनी घरातच थांबावे आणि पर्यटकांनी या भागांना भेट देऊ नये, असा इशारा दिला आहे.

गेल्या महिन्यांत वायव्येकडील स्वात नदीत एकाच कुटुंबातील १७ पर्यटक वाहून गेले होते. त्यातील चार जणांना वाचविण्यात आले आणि इतर १३ जणांचे मृतदेह नंतर सापडले. तेव्हापासून आपत्कालीन सेवा कमालीची दक्ष आहे.

गिलगिट-बाल्टिस्तान आणि दक्षिण सिंधमध्ये स्थानिक प्रशासनाला आपत्कालीन यंत्रणा त्वरित सक्रिय करण्याचे आदेश देण्यात आले आहेत. पर्यटक व नागरिकांना डोंगराळ भाग, नद्यांचे किनारे टाळण्याचा इशारा देण्यात आला आहे.

पंजाब आणि खैबर पख्तूनख्वा प्रांतांत बहुतांश मृत्यू घरांची भिंत किंवा छत कोसळल्याने झाले असून, विशेषतः ग्रामीण भागातील चिखलाच्या वीटांचे घर यासाठी कारणीभूत ठरले आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

जेठालालच्या 'त्या' पत्नीला धक्का! तारक मेहता फेम अभिनेत्रीचा 'घटस्फोट'; 13 वर्षांच्या संसारानंतर वेगळं होण्याचा निर्णय

सायंकाळपर्यंत टाळा उघडा! हायकोर्टाच्या जुन्या इमारतीला टाळा ठोकल्याप्रकरणी, 'हा खूप गंभीर प्रकार आहे', म्हणत कोर्टाने गोवा सरकारला झापलं

Goa Pollution: समुद्र प्लॅस्टिकने भरला, नद्या सांडपाण्याच्या विळख्यात! मार्टिन्स करो, प्रदूषणाचा विळखा सुटो..

Ganesh Idol: आजी-आजोबा 'हो' म्हणाले, छोट्या अस्मीने स्वतःच बनवली 'गणेशमूर्ती'; पारंपरिक मातीच्या मूर्तींची जागरूकता

Goa Live News: करूळ घाटात दरड कोसळली, गोवा -कोकणाकडे जाणारी वाहतूक ठप्प

SCROLL FOR NEXT