वयाच्या 19 वर्षीय 48 शिखरे सर करणाऱ्या अमेरिकन गिर्यारोहक एमिली मोटेलो (Emily Sotelo) हिचा मृतदेह रविवारी न्यू हॅम्पशायरमधील डोंगराच्या पायथ्याशी सापडला. एमिली मोटेलो गेल्या अनेक दिवसांपासून बेपत्ता होती. बेपत्ता झाल्यानंतर तिला शोधण्यासाठी सोशल मीडियावर अनेक पोस्ट करण्यात आल्या.

एमिली मोटेलोने वयाच्या 19 व्या वर्षी 48 शिखरांवर यशस्वी चढाई करण्याचा विक्रम केला आहे. जगभरातील शिखरे सर करण्याचे एमिली मोटेलोचे स्वप्न होते. यासाठी ती रोज प्रवास करायची.

एमिली मोटेलो रविवारी सकाळी घरातून एकटीच फिरायला गेली होती. ब्रिटीश वृत्तपत्र मेट्रोने दिलेल्या वृत्तानुसार, एमिली मोटेलोने सोलो ट्रिपवर होती. एमिलीने रविवारी सकाळी तिच्या घरापासून चालण्यास सुरूवात केली. मात्र ठराविक वेळेनंतर तिचा संपर्क तुटल्यानंतर कुटुंबीयांना काळजी वाटू लागली. आणि त्यांनी एमिली बेपत्ता झाल्याची तक्रार केली. शोध सुरू केल्यानंतर, तीन दिवसांनंतर तिचा मृतदेह न्यू हॅम्पशायरमधील माउंट लाफायटच्या वायव्येकडील बाजूला सापडला.

एमिली मोटेलोचा मित्र ब्रायन गार्वे यांनी एका इंग्रजी वृत्तपत्राला दिलेल्या माहितीनुसार, वाऱ्याच्या अति वेगामुळे हा अपघात झाला असावा. मोटेलोला अनुभवाची कमतरता नव्हती पण अचानक झालेला हा अपघात आहे. यापूर्वी 2021 मध्येही मोटेलोने या डोंगराळ भागात भटकंती केली होती. पण त्या वेळी ती परत आली.