खलिस्तानी दहशतवादी गुरपतवंत सिंग पन्नू याने एक दिवसापूर्वी भाजपमध्ये प्रवेश केलेले अमेरिकेतील भारताचे माजी राजदूत तरनजीत सिंग संधू यांना जीवे मारण्याची धमकी दिली आहे. गुरपतवंत सिंग पन्नू याने एक व्हिडिओ जारी केला आणि संधू यांना निज्जरचा खूनी ठरवत ही धमकी दिली. पन्नू म्हणाला की, 'हरदीप सिंग निज्जरला मारण्यात तरनजीत संधू यांचा हात होता.' व्हिडिओमध्ये पन्नू पुढे म्हणाला की, ''जर कोणी संधू यांना निज्जरच्या हत्येबद्दल प्रश्न विचारला तर त्याला 25 लाखांचे बक्षीस दिले जाईल आणि जर कोणी संधू यांना खूनाच्या आरोपात अडकवले तर त्याला आणखी बक्षीस दिले जाईल.''
दरम्यान, पोलीस (Police) या व्हिडिओचा तपास करत आहेत. संधू यांच्या सुरक्षेतही वाढ करण्यात येत आहे. हा व्हिडिओ एका अज्ञात यूट्यूब चॅनलवरुन अपलोड करण्यात आला असून तो रात्रीचा बनवण्यात आला आहे. तो एक मिनिट 23 सेकंदांचा आहे. दहशतवादी गुरपतवंत सिंग पन्नू याने संधू यांनी 'भारत सरकारचा एजंट' संबोधले. त्याने सांगितले की, तेच मूळ आहेत, ज्यांनी निज्जरची हत्या केली. वॉशिंग्टन डीसीमध्ये राहत असताना त्यांनी कॅनडामधील त्यांचे मित्र वर्मा यांच्या मदतीने निज्जरची हत्या केली.
पन्नू पुढे म्हणाला की, ''भाजप संधू यांना अमृतसरमधून लोकसभेचे उमेदवार बनवू इच्छित आहे. याआगोदर 1984 च्या शीख दंगलीतील दोषींना लोकसभा सदस्य बनवण्यात आले. निज्जरच्या हत्येचा बदला घेतला जाईल, असे शिख्स फॉर जस्टिसने जाहीर केले. यासाठी माझ्या संस्थेने 25 लाखांचे बक्षीस जाहीर केले आहे.''
अमेरिकेतील भारताचे माजी राजदूत तरनजीत सिंग संधू यांनी लोकसभा निवडणुकीपूर्वी मंगळवारी भाजपमध्ये प्रवेश केला. पक्ष त्यांना अमृतसरमधून लोकसभेचा उमेदवार बनवू शकतो, अशी चर्चा आहे. तरनजीत हे पंजाबमधील तरनतारन जिल्ह्यातील राय बुर्जचे रहिवासी आहे. तरनजीत यांचे वडील बिशन सिंग हे शिक्षणतज्ज्ञ होते. ते गुरु नानक देव विद्यापीठाचे संस्थापक कुलगुरु होते. तरनजीत यांचे आजोबा सरदार तेजा सिंग संमुद्री शिरोमणी गुरुद्वारा व्यवस्थापन समिती आणि शीख लीगमध्ये सक्रिय होते. ते काँग्रेसचे राष्ट्रीय नेते होते.
तरनजीत सिंग संधू हे श्रीलंकेतील भारताचे उच्चायुक्त आणि अमेरिकेतील (America) भारताचे 28 वे राजदूत राहिले आहेत. संधू 1988 मध्ये भारतीय परराष्ट्र सेवेत रुजू झाले. युक्रेनमध्ये भारतीय दूतावास उघडण्यात तरनजीत सिंग संधू यांची महत्त्वाची भूमिका होती. तरनजीत सिंग यांनी भारतीय परराष्ट्र मंत्रालयातही विविध पदांवर काम केले आहे. त्यांची पत्नी रीनत संधू या इटलीमध्ये भारताच्या राजदूत राहिल्या आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.