ईदची(Eid al-Adha) नमाज चालू असतानाच अफगाणिस्तानच्या(Afghanistan) काबुल(Kabul) शहरावर बॉम्ब हल्ला झाला आहे.एएनआयच्या वृत्तानुसार राष्ट्रपती भवनाजवळील भागात तीन रॉकेट गोळीबार करण्यात आले असून हे रॉकेट्स पारवान-ए-से भागातून टाकण्यात आले आणि काबुलच्या बाघ-ए-अली मर्दन आणि चमन-ए-होजोरी भागात 1 आणि काबुलच्या मनाबे बशरी भागावर 2 अस्से हे रॉकेट् हल्ले करण्यात आले आहेत.

ईद-अल-अधाच्या मुस्लिम सुट्टीच्या दिवशी राष्ट्रपती अशरफ गनी(Ashraf Ghani) यांच्या भाषणापूर्वी अफगाणच्या राजधानीत मंगळवारी कमीतकमी तीन रॉकेट्स दाखल झाल्याचे गृह मंत्रालयाने सांगितले आहे. सकाळी नमाजाच्या वेळी 8 वाजण्याच्या सुमारास हा हल्ला झाल्याचे सांगण्यात येत आहे. तसेच

आज अफगाणिस्तानच्या शत्रूंनी काबूल शहराच्या वेगवेगळ्या भागात रॉकेट हल्ले केले, असे गृह मंत्रालयाचे प्रवक्ते मीरवाईस स्टॅनिकझई यांनीही हे स्पष्ट केले आहे.

दरम्यान या हल्ल्यांनंतर "सर्व रॉकेट तीन वेगवेगळ्या भागांवर आदळले असून आमच्या सुरुवातीच्या माहितीच्या आधारे आमची कोणतीही जीवितहानी झालेली नाही. आमची टीम तपास करत आहे." अशी माहितीही गृहमंत्रालयाने दिली आहे.

हल्ल्यानंतर काही मिनिटांनंतर गनी यांनी आपल्या काही उच्च अधिकाऱ्यांच्या उपस्थितीत देशाला संबोधित केल. डिसेंबर मध्येही असाच एक रॉकेट हल्ला अफगाणिस्तानवर झाला होता.

दरम्यान कालच अफगाणमध्ये वाढत असलेल्या तालिबानी हमल्यावरही राष्ट्रपतींनी भाष्य केले असून सरकारचे उद्दीष्ट म्हणजे अफगाणिस्तानात राजकीय करार करणे, जेणेकरून देशात शांतता प्रदीर्घकाळ टिकू शकेल.अशी भूमिका त्यांनी बोलून दाखवली आहे.तसेच राष्ट्रपतींनी भारताचे कौतुक केले आणि ते म्हणाले की, हा असा देश आहे ज्यात आपल्याकडे व्यापाराचे सकारात्मक संतुलन आहे. भारत सलमा धरण आणि संसद भवन बांधत आहे. ते म्हणाले की शहूट डॅम व ट्रान्समिशन लाईनचे कामही सुरू आहे. भारत तेजीत आहे. चौथ्या औद्योगिक क्रांतीच्या नेतृत्वात भारत मोठ्या प्रमाणात बदल घडवून आणत आहे यात आम्हाला सहभागी व्हायचं आहे.