आइसलंड मध्ये भीषण ज्वालामुखीचा उद्रेक झाल्याचे समोर आले आहे. ज्वालामुखीचा भीषण स्फोट झाल्यानंतर देशाच्या दक्षिण भागात आणीबाणी घोषित करण्यात आली आहे. हा ज्वालामुखीचा उद्रेक देशातील सर्वात मोठा स्फोट असल्याचे सांगितले जात आहे. या घटनेचा व्हिडीओ देखील समोर आला असून यामध्ये लाव्हा वाहताना पाहायला मिळात आहे.
बीबीसीच्या रिपोर्टनुसार, ज्वालामुखीचा लाव्हा वाहत ग्रिंडाविक शहरापर्यंत पोहचला आहे. त्यामुळे सुरक्षेच्या कारणास्तव ब्लू लगून आणि ग्रिंडाविक शहर रिकामे करण्यात आले आहे. डिसेंबरपासून या प्रदेशात ज्वालामुखीचा उद्रेक होण्याची ही चौथी घटना आहे. याआधी 8 फेब्रुवारीलाही येथे ज्वालामुखीचा उद्रेक झाला होता. आइसलँडचे हवाई क्षेत्र अद्याप खुले असून लाव्हामधून निघणारा धूर आकाशात पाहायला मिळत आहे.
आइसलंडच्या सिव्हील डिफेंस सर्व्हिसनुसार, शनिवारी स्थानिक वेळेनुसार रात्री ८ वाजता हा स्फोट ग्रिंडाविकच्या उत्तरेकडील होगाफेल आणि स्टोरा-स्कॉगाफेल दरम्यान झाला. याच ठिकाणी ८ फेब्रुवारीला स्फोट झाला होता. दरम्यान आता झालेल्या स्फोटाचे व्हिडीओ फुटेज समोर आले असून यामध्ये पृथ्वीच्या आतून धुराचे लोट आणि उकळणारा मॅग्मा बाहेर येताना दिसत आहे. आता या ज्वालामुखीचा व्हिडिओ व्हायरल होत असून थरकाप उडवाणारे दृश्य यामध्ये पाहायला मिळत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.