France Gas Explosion Video: पॅरिसमध्ये गॅसचा भीषण स्फोट झाला असून, यामुळे अनेक इमारतींना आग लागली आहे. या स्फोटात अनेक लोक जखमी झाले असून, त्यातील काही गंभीर असल्याची माहिती समोर आली आहे. बुधवारी सायंकाळी पाच वाजता ही घटना घडली असे द गार्डियन या वृत्तसंस्थेने दिलेल्या बातमीत म्हटले आहे.

दरम्यान, या घटनेचा एक व्हिडिओ सध्या समोर आला असून, यात एक पूर्ण उद्धवस्त झालेली इमारत दिसत आहे. तर दुसऱ्या कही इमारतींना देखील आग लागल्याचे दिसत आहे.

स्फोटात अनेकजण जखमी झाले असून, काही लोकांची प्रकृती गंभीर असल्याची माहिती समोर आली आहे. स्फोट झालेली इमारत पूर्णपणे उद्धवस्त झाली असून, त्या शेजारील दुसऱ्या इमारतीत देखील आग लागली आहे.

दरम्यान, स्फोट झाल्यानंतर अग्निशमन दल आणि रूग्णावाहिका घटनास्थळी दाखल होत, जखमींना रूग्णालयात दाखल करण्यात आले. तसेच, येथे मोठ्या प्रमाणावर पोलीस दाखल झाले आहेत. स्फोट नेमका कशामुळे झाला याबाबत सध्या तपास केला जात आहे.