अफगाणिस्तानचे (Afghanistan) उपराष्ट्रपती अमरुल्लाह सालेह (Amrullah Saleh) यांनी स्पष्टपणे म्हटले आहे की, तालिबानने सरकार कमकुवत झाल्यानंतर राजधानी काबूलवर ताबा मिळवला. मात्र आपण शरण जाणार नाही. अमरुल्ला सालेह हे काबूलच्या ईशान्येकडील, पंजशीर व्हॅली या ठीकाणी प्रवास केरताना दिसले होते. भूमिगत होण्याआधी सालेह यांनी रविवारी ट्विटरवर लिहिले की, 'मला निवडलेल्या लाखो लोकांना मी निराश करणार नाही. मी कधीच तालिबानसोबत जाणार नाही.

दुसऱ्या दिवशी सोशल मीडियावर त्यांचे काही फोटो दिसुन आले होते, ज्यामध्ये माजी उपराष्ट्रपती आणि त्यांचे माजी मार्गदर्शक आणि तालिबानविरोधी कार्यकर्ते अहमद शाह मसूद यांच्या मुलासह ते पंजशीरमध्ये दिसत आहेत. हा परिसर हिंदुकुश पर्वताजवळ आहे. मिलिशिया फोर्सचे नेतृत्व करणारे सालेह आणि मसूद यांची मुले तालिबानचा मुकाबला करण्यासाठी गुरिल्ला वॉरफेअरसाठी पंजशीरमध्ये जमताना दिसुन आले आहेत.

पंचशीर खोरे हा असा भाग आहे जो, 1990 च्या गृहयुद्धात कधीच तालिबानच्या ताब्यात आला नव्हता. तसेच एक दशकापूर्वी (तत्कालीन) सोव्हिएत युनियनला देखील ते जिंकता आले नव्हते. आम्ही तालिबानला पंजशीरमध्ये प्रवेश करू देणार नाही, असे एका रहिवाशाने नाव न छापण्याच्या अटीवर सांगितले. आम्ही पुर्ण ताकदीने त्याला विरोध करू आणि लढू.