Earthquake In Afghanistan: अफगाणिस्तानची राजधानी काबूल येथे पुन्हा एकदा भूकंपाचे धक्के जाणवले आहे. नॅशनल सेंटर फॉर सिस्मॉलॉजीनुसार काबूलपासून 151 किमी दक्षिण-दक्षिणपूर्व (SSE) वर सकाळी 8.14 वाजता भूकंप झाला. 

रिश्टर स्केलवर या भूकंपाची तीव्रता 4.3 इतकी मोजण्यात आली आहे. तर भूकंपाची खोली 60 किलोमीटर होती. आतापर्यंत जीवित किंवा मालमत्तेच्या नुकसानीचे कोणतेही माहिती नाही. तीन दिवसांपूर्वीच अफगाणिस्तानमध्ये 4.3 रिश्टर स्केलचा भूकंप झाला होता.

दरम्यान, अफगाणिस्तानमध्ये (9 मे) ला सकाळी 3 च्या सुमारास भूकंपाचे धक्के जाणवले होते. या भुकंपाची तीव्रता रिश्टल स्केलवर 4.3 एवढी होती. अफगाणिस्तानच्या फैजाबादपासून 116 किमी आग्नेय दिशेला हा भुकंप जाणावला आहे. दरम्यान, भूकंपात कोणत्याही प्रकारच्या जीवितहानीचे अद्याप वृत्त नाही.

दरम्यान,अफगाणिस्तानमधील काबुल येथे २९ मार्चला भुकंपाचे धक्के जाणावले होते. सकाळी 5 च्या सुमारास भुकंपाचे धक्के जाणावले आहेत. या भुकंपाची तीव्रता रिश्टल स्केलवर 4.3 एवढी होती. भूकंपाचा केंद्रबिंदू काबूलपासून 85 किमी पूर्वेला होता.

दिल्ली-राष्ट्रीय राजधानी क्षेत्रासह उत्तर भारतातील अनेक भागातही भूकंपाचे धक्के जाणवले. पाकिस्तानमध्ये लाहोर, इस्लामाबाद, रावळपिंडी, क्वेटा, पेशावर, कोहाट, लक्की मारवत, गुजरांवाला, गुजरात, सियालकोट, कोट मोमीन, मध रांझा, चकवाल, कोहाट आणि गिलगिट-बाल्टिस्तान भागात भूकंपाचे धक्के जाणवले.