शिकागो: अमेरिकेतील शिकागोमध्ये एक आश्चर्यकारक घटना घडली. शनिवारी दुपारी अंत्यसंस्कारासाठी जमलेल्या तीन लोकांवर हल्लेखोरानी अचानक गोळीबार केला. यामध्ये तीन लोकं जखमी झाले आहे. शिकागो पोलिसांनी दिलेल्या माहितीनुसार, तिन्ही पीडितांना स्थानिक रुग्णालयात नेण्यात आले, जिथे त्यांची प्रकृती चांगली असल्याचे सांगण्यात येत आहे. (America Crime)

द सन-टाइम्सच्या वृत्तानुसार, दुपारी 2.30 च्या सुमारास एक व्यक्ती कारमध्ये आला आणि अंत्यसंस्कारासाठी उपस्थित असलेल्या लोकांच्या गटावर गोळीबार केला. हे लोक शिकागोमधील दक्षिण बाजूला असलेल्या रोझलँडमधील युनिव्हर्सल कम्युनिटी मिशनरी बॅप्टिस्ट चर्चच्या बाहेर फोटो काढत होते.

या हल्ल्यात तीन जण जखमी झाले असून त्यात 20 वर्षीय व्यक्तीच्या पोटात, 37 वर्षीय व्यक्तीला मांडीवर आणि 25 वर्षीय व्यक्तीला पाठीत गोळ्या लागल्या आहेत. साक्षीदार करीम हाऊसने वृत्तपत्राला सांगितले की तो त्याचा चुलत भाऊ माईक नॅशच्या अंत्यविधीला गेला होता. माईकचा भाऊ नॅश हा एक हिंसाविरोधी कार्यकर्ता होता ज्यांचा हृदयविकाराच्या झटक्याने मृत्यू झाला. आणि नॅशच्याच अंत्यविधीदरम्यान हा गोळीबार झाल्याने अनेक शंका उपस्थित होत आहे. असे असले तरी गोळीबाराच्या संदर्भात तात्काळ कोणालाही अटक करण्यात आली नाही.