Inflation: जगभरात महागाईने कळस गाठला आहे. खाद्यपदार्थांच्या किमतीही गगनाला भिडल्या आहेत. विकसनशील देशांव्यतिरिक्त, सिंगापूरसारखा विकसित अर्थव्यवस्था असलेला देश देखील महागाईपासून वाचलेला नाही. देशांतर्गत किमतींवर नियंत्रण ठेवण्यासाठी अनेक देशांनी निर्यातीवर बंदी घातली. मलेशियाने गेल्या महिन्यात ब्रॉयलर चिकनच्या निर्यातीवर बंदी घातली होती. मलेशियातून मोठ्या प्रमाणात ब्रॉयलर चिकन आयात करणाऱ्या सिंगापूरलाही या निर्णयाचा मोठा फटका बसला होता.
दरम्यान, खाद्य तेलापासून ते चिकनपर्यंतच्या किमतीत वाढ झाल्याने केटरिंग व्यवसायाशी संबंधित आस्थापनांनाही दर वाढवावे लागले आहेत. यामुळे लोकांना खाद्यपदार्थांसाठी 10-20 टक्के अधिक पैसे मोजावे लागत आहेत.
उदयोन्मुख बाजारपेठांमध्ये खाद्यपदार्थांच्या किमती 14% वाढल्या
इकॉनॉमिक रिसर्च एजन्सी कॅपिटल इकॉनॉमिक्सच्या मते, या वर्षी उदयोन्मुख बाजारपेठांमध्ये अन्नधान्याच्या किमती सुमारे 14 टक्क्यांनी तर विकसित अर्थव्यवस्थांमध्ये सात टक्क्यांहून अधिक वाढल्या आहेत.
UN अन्न खरेदीसाठी लेबनॉनला पैसे देतेय
संयुक्त राष्ट्र लेबनॉनमधील नागरिकांना (Citizens) खाद्यपदार्थ खरेदी करण्यासाठी पैसे देत आहे. बेरुतमधील रहिवासी ट्रेसी सालिबा म्हणाल्या की, 'आता आम्ही फक्त जीवनावश्यक वस्तू खरेदी करत आहोत.' त्याच वेळी, सुदानमध्ये (Sudan) परिस्थिती भयानक आहे, जिथे यावर्षी महागाई (Inflation) 245 टक्क्यांच्या अविश्वसनीय पातळीवर पोहोचू शकते. त्याच वेळी, इराणमध्ये (Iran) मे महिन्यात चिकन, अंडी आणि दुधाच्या किमतीत 300 टक्क्यांनी वाढ झाली आहे.
जगभरात महागाई वाढण्याचे कारण काय?
जागतिक फूड कार्यक्रम आणि संयुक्त राष्ट्रांच्या इतर चार एजन्सींच्या जागतिक अहवालात म्हटले की, 'गेल्या वर्षी 2.3 अब्ज लोकांना भुकेचा सामना करावा लागला. दुष्काळ, पुरवठा साखळी समस्या, खतांच्या वाढत्या किमतीमुळे जगभरात खाद्यान्नाच्या किमती गगनाला भिडल्या. विकसनशील देशांतील निम्नवर्गीय लोकांना याचा मोठा फटका बसला आहे.'
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
