मुख्यमंत्री योगी आदित्यनाथ (Yogi Adityanath) यांच्या नेतृत्वाखालील भाजप सरकारचा (BJP Government) दुसरा शपथविधी सोहळा 25 मार्च रोजी दुपारी 4 वाजता शहीद पॅड येथील एकना स्टेडियमवर होणार आहे. शपथविधी सोहळ्यात मुख्यमंत्री योगी यांच्यासह उपमुख्यमंत्री, कॅबिनेट मंत्री, स्वतंत्र प्रभार असलेले राज्यमंत्री आणि राज्यमंत्री शपथ घेणार आहेत. पंतप्रधान नरेंद्र मोदी (Prime Minister Narendra Modi), गृहमंत्री अमित शहा (Amit Shah), संरक्षण मंत्री राजनाथ सिंह, भाजप अध्यक्ष जेपी नड्डा, केंद्र सरकारचे मंत्री, भाजपशासित राज्यांचे मुख्यमंत्री, केंद्र आणि भाजपचे वरिष्ठ पदाधिकारी शपथविधी सोहळ्याला उपस्थित राहणार आहेत. 21 किंवा 22 मार्च रोजी एकना स्टेडियमवर प्रस्तावित शपथविधी सोहळ्यासाठी सरकारने तयारी सुरु केली आहे. (Yogi Adityanath to be sworn in as CM on March 25)

दरम्यान, योगी मंत्रिमंडळाच्या शपथविधी सोहळ्यासाठी बसपा सुप्रीमो मायावती, सपाचे सुप्रिमो मुलायम सिंह यादव, सपा अध्यक्ष अखिलेश यादव, काँग्रेसच्या राष्ट्रीय अध्यक्षा सोनिया गांधी, सरचिटणीस प्रियंका गांधी वड्रा यांच्यासह विरोधी पक्षांच्या नेत्यांनाही आमंत्रित केले जाणार आहे. माहिती विभागाचे अतिरिक्त मुख्य सचिव नवनीत सहगल यांनी सांगितले की, 'शपथविधी सोहळा एकना स्टेडियमवर होणार आहे.'

या समारंभात लाभार्थींचाही सहभाग असणार

योगी सरकारच्या शपथविधी सोहळ्यासाठी केंद्र आणि राज्य सरकारच्या योजनांच्या लाभार्थ्यांनाही आमंत्रित करण्यात आले आहे. लखनऊसह जवळपासच्या जिल्ह्यातील लाभार्थ्यांना शपथविधी सोहळ्यासाठी आणले जाईल. विशेषत: महिला लाभार्थींचा या कार्यक्रमात समावेश करण्यात येणार आहे.