अमली पदार्थांची तस्करी करण्यासाठी तस्कर नवनवीन युक्त्यांचा अवलंबत करत आहेत. याच पाश्वभूमीवर तपासादरम्यान एजन्सींनी ड्रग्जचे साठे पकडले आहेत. आताही असाच काहीसा प्रकार राजस्थानमधून (Rajasthan) समोर आला आहे, जिथे युगांडातील (Uganda) एक महिला प्रायव्हेट पार्टमध्ये ड्रग्ज लपवून घेऊन जात होती, मात्र विमानतळावर हा प्रकार उघडकीस आला. (Woman Hides Medicine Worth Rs 10 Crore In Private Part)

प्रायव्हेट पार्टमधून 60 कॅप्सूल काढल्या

जयपूर (Jaipur) विमानतळावर एसएसएम रुग्णालयात पकडलेल्या आफ्रिकन वंशाच्या महिलेच्या शरीरातून ड्रग्सनी भरलेले कॅप्सूल काढण्यात आले. या महिलेने प्रायव्हेट पार्टमध्ये 70 ते 80 कॅप्सूल लपवले होते. त्यास बाहेर काढण्यासाठी डॉक्टरांना मोठी कसरत करावी लागली. आतापर्यंत 60 कॅप्सूल जप्त करण्यात आल्या आहेत.

दरम्यान, राज्याचे महसूल माहिती संचालनालय (DRI) या प्रकरणावर बारीक लक्ष ठेवून आहे. मिळालेल्या माहितीनुसार, सोमवारी महिलेच्या शरीरातून सर्व कॅप्सूल काढण्यात आल्या आहेत. त्यानंतर त्यामध्ये कोणत्या प्रकारचे ड्रग्ज दडवण्यात आले होते, याचा तपास करण्यात येत आहे. या कॅप्सूलमध्ये हेरॉईन असल्याचे प्राथमिक तपासातून समोर आले आहे. महिलेकडून जप्त करण्यात आलेल्या हेरॉईनची किंमत 10 कोटी असल्याचे सांगण्यात येत आहे.

चौकशीनंतर न्यायालयात हजर होणार

या प्रकरणीही न्यायालयासमोर अहवाल सादर करण्यात येणार आहे. सध्या इव्हान्स लोपेझ नावाची ही महिला रुग्णालयात असून तिची अजून चौकशी करण्यात येणार आहे. रुग्णालयातून डिस्चार्ज मिळाल्यानंतर डीआरआयचे अधिकारी त्यांची चौकशी करतील, असं सांगण्यात येत आहे. यानंतर अमली पदार्थांच्या तस्करीचे हे प्रकरण उघडकीस येऊ शकते.