Weather Updates: सध्या देशातील अनेक राज्यांमध्ये सक्रिय मान्सूनची स्थिती आहे. मध्य प्रदेश, महाराष्ट्र, हरियाणा, दिल्लीसह अनेक राज्यांमध्ये पाऊस पडत आहे. हवामान खात्याने (IMD) आज, 16 ऑगस्ट 2022 रोजीही बहुतांश राज्यांमध्ये पावसाचा इशारा जारी केला आहे.

हवामान विभागाने दिलेल्या माहितीनुसार, आज राष्ट्रीय राजधानी दिल्लीत किमान तापमान 26 अंश सेल्सिअस राहील, तर कमाल तापमान 34 अंश सेल्सिअस राहील. तसेच, राष्ट्रीय राजधानीत पावसाची शक्यता आहे. गुजरातमधील अनेक जिल्ह्यांमध्ये आज मुसळधार पावसाचा इशारा देण्यात आला आहे. अहमदाबादमध्ये आजचे किमान तापमान 25 अंश सेल्सिअस तर कमाल तापमान 31 अंश सेल्सिअस राहील. मेघगर्जनेसह जोरदार पाऊस पडेल.

भोपाळमध्ये आज हलका पाऊस पडण्याची शक्यता आहे. आकाश ढगाळ राहील. आजचे किमान तापमान 23 अंश सेल्सिअस राहील, तर कमाल तापमान 27 अंश सेल्सिअस राहील. चंदीगडमध्ये आजचे किमान तापमान 26 अंश सेल्सिअस आणि कमाल तापमान 35 अंश सेल्सिअस राहण्याचा अंदाज आहे. चंदीगडमध्ये आज ढगाळ वातावरण राहील.

दुसरीकडे, डोंगराळ भागात मुसळधार पाऊस पडत आहे. डेहराडूनमध्ये आजचे किमान तापमान 24 अंश सेल्सिअस असणार आहे. कमाल तापमान 33 अंश सेल्सिअसपर्यंत जाईल. मेघगर्जनेसह मुसळधार पावसाची शक्यता आहे. उत्तराखंडमधील बहुतांश जिल्ह्यांमध्ये मुसळधार पावसामुळे जनजीवन विस्कळीत झाले आहे. जम्मूबद्दल बोलायचे झाले तर आज या भागात हलका पाऊस पडण्याची शक्यता आहे. येथील किमान तापमान 26 अंश सेल्सिअस तर कमाल तापमान 33 अंश सेल्सिअस राहील.

दिल्ली हवामान अपडेट

लखनौ, यूपीमध्ये आजचे किमान तापमान 27 अंश सेल्सिअस राहील, तर कमाल तापमान 32 अंश सेल्सिअस राहील. आकाश ढगाळ राहील. याशिवाय आज बिहारमधील अनेक जिल्ह्यांमध्ये पाऊस पडण्याची शक्यता आहे. पाटणा येथे आजचे किमान तापमान 27 अंश सेल्सिअस राहील, तर कमाल तापमान 33 अंश सेल्सिअस राहील. येथे हलका पाऊस पडेल आणि आकाश ढगाळ राहील.