केंद्रीय महिला आणि बालविकास मंत्री स्मृती इराणी यांना कोरोनाची लागण झाली आहे. आपला कोरोना रिपोर्ट पॉझिटिव्ह आला असल्याचे त्यांनी रविवारी सांगितले. कोरोनाची लागण झाल्यानंतर स्मृती इराणी यांनी दिल्लीतील राजिंदर नगर येथील पोटनिवडणुकीसंदर्भातील कार्यक्रमाला उपस्थित न राहू शकत नसल्याबद्दल नागरिकांची माफीही मागितली. (union minister smriti irani tests positive for covid skips bypoll campaign in delhi)

स्मृती इराणी (Smriti Irani) यांनी ट्विट करुन म्हटले आहे की, 'माझा कोरोना रिपोर्ट पॉझिटिव्ह आल्याने मी राजेंद्र नगरच्या नागरिकांनी आयोजित केलेल्या कार्यक्रमाला उपस्थित राहू शकले नाही याबद्दल माफी मागते. मी राजेंद्र नगरच्या जनतेला आवाहन करतो की, राजेश भाटिया यांना मतदान करा आणि दिल्ली भाजपला (BJP) विजयी करा.'

दरम्यान, राजिंदर नगर पोटनिवडणुकीसाठी 23 जून रोजी मतदान होणार असून 26 जून रोजी निकाल जाहीर होणार आहे. भाजपने माजी नगरसेवक भाटिया, तर काँग्रेसने माजी नगरसेवक प्रेम लता यांना उमेदवारी दिली आहे. आपचे आमदार राघव चढ्ढा यांना पंजाबमधून (Punjab) राज्यसभेवर उमेदवारी दिल्यानंतर राजिंदर नगर ही जागा रिक्त झाली होती.