Delhi Crime: राजधानी दिल्लीतील मुंडका भागातील फ्रेंड्स एन्क्लेव्हजवळ दोन गटांमध्ये झालेल्या भांडणात दोन जण ठार तर 7 जण जखमी झाले आहेत.

पोलिसांनी दिलेल्या माहितीनुसार, ही मारामारी दुपारी 1:36, 1:42 आणि 1:47 वाजता झाली. चाकूने वार करुन मृत्यू झाल्याबाबत पीसीआर कॉल आला. या माहितीवरुन पोलीस मुंडका येथील फ्रेंड्स कॉलनी येथील डी-15 ए येथे पोहोचले.

पोलिसांनी (Police) दिलेल्या माहितीनुसार, पुढील गल्लीत राहणारा सोनू आणि अभिषेक यांच्यात येथे भांडण झाले. अभिषेक आणि त्याच्या मित्रांनी सोनूला मारहाण केली आणि मध्यस्थांनाही धक्काबुक्की केली.

यानंतर, सोनूच्या गटातील लोकांनी अभिषेकलाही मारहाण केली आणि त्यालाही धक्काबुक्की केली. या भांडणात सोनू आणि नवीन यांचा मृत्यू झाला तर अभिषेक आणि अन्य एकाची प्रकृती गंभीर असून त्यांना सफदरजंग रुग्णालयात (Hospital) पाठवण्यात आले आहे. अन्य तिघांची प्रकृती स्थिर असल्याचे सांगण्यात येत आहे. तिघांवरही जवळच्या रुग्णालयात उपचार सुरु आहेत.