समाजवादी पक्षाचे अध्यक्ष अखिलेश यादव यांनी भाजपच्या निलंबित सदस्या नुपूर शर्मा यांच्या विरोधात केलेले ट्विट चिथावणीखोर असल्याचे सांगत राष्ट्रीय महिला आयोगाने (NCW) सोमवारी उत्तर प्रदेश पोलिसांकडे यादव यांच्यावर तातडीने कारवाई करण्याची मागणी केली.(Akhilesh Yadav News Updates)

नुपूर शर्माने मोहम्मद यांच्यावर आक्षेपार्ह टिप्पणी केल्याचा आरोप आहे. सर्वोच्च न्यायालयाने गेल्या आठवड्यात म्हटले होते की, 'नुपूर शर्मा यांच्या बेताल भाषेमुळे संपूर्ण देश पेटला आहे" आणि त्यांनी माफी मागावी.

कोर्टाच्या निर्णयाची बातमी शेअर करत अखिलेश यादव यांनी ट्विट केले होते की, 'फक्त चेहराच नाही तर शरीरानेही माफी मागितली पाहिजे आणि देशातील अशांतता आणि सलोखा बिघडवल्याबद्दल शिक्षाही झाली पाहिजे.'

उत्तर प्रदेशचे पोलीस महासंचालक डी.एस. चौहान यांना लिहिलेल्या पत्रात एनसीडब्ल्यूच्या अध्यक्षा रेखा शर्मा यांनी म्हटले आहे की, हे ट्विट पूर्णपणे प्रक्षोभक आहे. हे अत्यंत निषेधार्ह आहे आणि दोन धार्मिक गटांमधील सांप्रदायिक असंतोष भडकावणारे आहे. प्रकरणाचे गांभीर्य लक्षात घेऊन अखिलेश यादव यांच्यावर तातडीने कारवाई करावी.