Jaipur Express Firing  Dainik Gomantak
देश

Train Shootout: "हे पाहून मला कसाब आठवला" जयपूर एक्सप्रेसमधील गोळीबारातील प्रत्यक्षदर्शी म्हणाला...

Train Shootout: काही वेळाने आरोपी पुन्हा टिकारामच्या मृतदेहाजवळ आला आणि त्याच्याजवळ उभा राहिला आणि त्याच्याकडे पाहू लागला.

Ashutosh Masgaunde

Constable Chetan Reminded Me Of Ajmal Kasab: जयपूरहून मुंबईला जाणाऱ्या ट्रेनमध्ये सोमवारी एएसआय आणि तीन प्रवाशांची गोळ्या झाडून हत्या करणाऱ्या कॉन्स्टेबल चेतनची चौकशी सुरू आहे.

दरम्यान, गोळीबारातील प्रत्यक्षदर्शींनी गोळीबाराच्या घटनेची माहिती दिली आहे. कॉन्स्टेबल चेतनने मुंबई हल्ल्यातील दोषी कसाब या दहशतवादी कसाबची आठवण करून दिल्याचे प्रत्यक्षदर्शींचे म्हणणे आहे.

सोमवारी जयपूरहून मुंबईला जाणाऱ्या ट्रेनमध्ये (Jaipur Mumbai Express) गोळीबार झाला होता. आरोपी हवालदार चेतनने त्याचा वरिष्ठ एएसआय टिकाराम आणि इतर तीन प्रवाशांची गोळ्या झाडून हत्या केली होती. यानंतर त्याने ट्रेनमधून उडी मारली. मात्र, त्याला अटक करण्यात आली आहे.

हे एक भयानक स्वप्न होते

गोळीबाराच्या (Firing) वेळी ट्रेन अटेंडंट कृष्णकुमार शुक्ला हे देखील ट्रेनमध्ये उपस्थित होते. त्यांनी सांगितले की मला त्यावेळी कसाब (AJmal Kasab) आठवला. कृष्ण कुमार शुक्ला यांनी सांगितले की, ते 12 वर्षांपासून ट्रेन अटेंडंट आहेत. आणि अशी भयावक परिस्थिती कधीच पाहिली नव्हती.

शुक्ला यांच्या म्हणण्यानुसार ते ट्रेनच्या B5 बोगीत होते. तेवढ्यात त्यांना गोळीबाराचा आवाज आला. सुरुवातीला तो गोळीचा आवाज आहे असे वाटले नाही. त्यानंतर एएसआय टिकाराम मीना रक्ताच्या थारोळ्यात पडलेले दिसले.

तर आरोपी (चेतन सिंग) काही मिनिटे मृतदेहाकडे बघत उभा होता. यानंतर सर्व प्रवासी घाबरले. यानंतर प्रवाशांनी B5 बोगी बंद केली, जेणेकरून कोणीही त्यात प्रवेश करू नये आणि कोणी बाहेर जाऊ नये.

चेतन बराच वेळ मृतदेहाकडे बघत राहिला

शुक्ला यांनी सांगितले की, काही वेळाने आरोपी पुन्हा टिकारामच्या मृतदेहाजवळ आला आणि त्याच्याजवळ उभा राहिला आणि त्याच्याकडे पाहू लागला. मात्र, तो काहीच बोलला नाही. तो फक्त मृतदेहाकडे एकटक पाहत होता.

काही मिनिटांनी तो तेथून निघून गेला. त्यांनी सांगितले की, बोरीवली स्थानकावर जीआरपीचे जवान ट्रेनमध्ये आले, तेव्हाच ते बोगीतून बाहेर पडले.

ट्रेन अटेंडंट कृष्ण कुमार यांनी सांगितले की त्यांनी बोरिवलीमध्ये इतर मृतदेह पाहिले. ती अत्यंत भयावह घटना होती. या घटनेनंतर त्यांना झोपही येत नव्हती.

चेतनने प्रवाशाला गोळी मारण्यापूर्वी पॅन्ट्री कारमध्ये नेले

चेतनने बंदुकीची भीती दाखवच एका प्रवाशाला बी2 बोगीतून पॅन्ट्री कारमध्ये नेले. चेतनने तेथे या प्रवाशाला गोळ्या घालून ठार केले. पँट्री कार B2 बोगीच्या पुढे 2 डबे होते.

जीआरपी पोलिस अधिकाऱ्याने सांगितले की, कॉन्स्टेबल चेतन सिंहने ट्रेनच्या बी-2 कोचमध्ये प्रवास करत असलेल्या सय्यद एस यांना बंदुकीच्या जोरावर पॅन्ट्री कारकडे जाण्यास भाग पाडले.

येथे आल्यानंतर चेतनने गोळ्या झाडून त्याची हत्या केली. चेतन सय्यदला पँट्री कारमध्ये घेऊन जात असताना बाकीचे प्रवासी त्याच्याकडे पाहतच राहिले.

जीआरपी ट्रेनच्या 5 बोगीतील प्रवाशांची माहिती गोळा करत आहे, जे ट्रेनमधील गोळीबाराचे प्रत्यक्षदर्शी आहेत.

अधिकाऱ्याच्या म्हणण्यानुसार, आतापर्यंत किमान डझनभर प्रवाशांचे जबाब नोंदवण्यात आले आहेत.

आरोपी चेतनची वैद्यकीय तपासणी करण्यात आली आहे. मात्र, या हत्येमागील हेतू अद्याप स्पष्ट झालेला नाही. अशा स्थितीत इतर प्रवाशांकडून माहिती घेतली जात आहे. त्यांनी सांगितले की गोळीबारानंतर अनेक प्रवासी मुंबई सेंट्रलच्या आधी बोरिवली स्थानकावर उतरले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Edberg Pereira Assault Video: पोलिसांनी लाथा घातल्या, मारहाण केली; परेरा मारहाणीचे सीसीटीव्ही फुटेज आले समोर, पाहा व्हिडिओ

Edberg Pereira Assault Case: एडबर्ग परेरा मारहाण प्रकरणी निलंबित PSI निलेश वळवईकरांवर गुन्हा दाखल; पुढील तपास सुरु

Sleep Problem: झोपण्यापूर्वीच्या 'या' चुका तुम्हाला बनवत आहेत आजारी! वेळीच व्हा सावध

Poseidon Nuclear Drone: हिरोशिमा बॉम्बपेक्षा 6600 पट शक्तिशाली, पुतिन यांनी जगाला दाखवलं अणुशक्तीवर चालणाऱ्या ड्रोनचं विनाशकारी रुप; अमेरिका-नाटो चिंतेत VIDEO

Watch Video: हाय सायबा!! डोक्यावर धो-धो पाऊस तरीही पालिका इमारतीच्या छतावर चढला कामगार; म्हापशातला गजब प्रकार Viral

SCROLL FOR NEXT