Most Liquor Consuming State in India: भारतात सर्वाधिक दारू कुठल्या राज्यात पितात, असे जर विचारले तर कदाचित लोक गोवा, पंजाब, दिल्ली अशी नावे घेण्याची शक्यता जास्त असते. खाण्यापिण्याच्या बाबतीत या राज्यातील नागरिक उदार मानले जातात.

येथे मद्यपान करणाऱ्यांची संख्याही मोठी आहे. तथापि, लोकसंख्येच्या एकूण प्रमाणात होत असलेल्या मद्यसेवनात ही राज्ये मागे आहेत.

गोवा आणि मद्यपान हे एक समीकरण बनले आहे. भारतातील इतर राज्यांच्या तुलनेत गोव्यात मद्यांच्या किंमती कमी आहेत. पण, तरीही मद्यपानात देशात गोवा मागे आहे. तर देशात मद्यपानात आघाडीवर असलेले राज्य आहे अरूणाचल प्रदेश.

अरूणाचल प्रदेशात एकूण लोकसंख्येपैकी 53 टक्क्याहून अधिक लोक मद्यपान करतात. दारू रिचवण्यात तेलंगणा राज्य दुसऱ्या क्रमांकावर आहे. तिथे 43 टक्के लोक दारूचे सेवन करतात.

विशेष म्हणजे अरुणाचल प्रदेशातील स्त्रियादेखील मद्यपानात आघाडीवर आहेत. येथील 15 वर्षांपेक्षा जास्त वयाच्या महिलांपैकी 24 टक्के महिला मद्यपान करतात. त्या खालोखाल सिक्कीम राज्यातील 16 टक्के महिला मद्यपान करतात.

दरम्यान, गतवर्षीच्या नॅशनल फॅमिली हेल्थ सर्व्हे (NFHS) नुसार मद्यपान करणाऱ्या 15 ते 49 या वयोगटातील पुरुषांची देशातील सर्वाधिक टक्केवारी गोव्यात आहे. या वयोगटातील 59 टक्के पुरूष मद्यपान करतात.

या वयोगटातील महिलांची आकडेवारी 5 टक्केपेक्षा कमी आहे. गोव्यानंतर अरुणाचल प्रदेशात हे प्रमाण 57 टक्के, तेलंगणा 50 टक्के तर लक्षद्वीपमध्ये सर्वात कमी 1 टक्का आहे.