पंजाबी गायक आणि काँग्रेस नेते सिद्धू मूसवालाच्या हत्येची उकल करण्यासाठी मंगळवारी एसआयटीची स्थापना करण्यात आली. आता या तपास पथकात काही बदल करण्यात आले आहेत. पंजाबचे डीजीपी व्हीके भवरा यांनी सांगितले की, सिद्धू मुसेवाला हत्या प्रकरणासाठी स्थापन करण्यात आलेल्या विशेष तपास पथकाची (SIT) पुनर्रचना करण्यात आली आहे. 6 सदस्यीय SIT मध्ये, नवीन अध्यक्ष IGP PAP जसकरण सिंह आणि दोन नवीन सदस्य AIG AGTF गुरमीत सिंह चौहान आणि SSP मानसा गौरव तोरा यांचा समावेश करण्यात आला आहे.

पंजाबी गायक सिद्धू मुसेवालाच्या हत्येप्रकरणी पोलिसांनी सांगितले की, गँगस्टर लॉरेन्स बिश्नोईला राज्यात आणल्यानंतर चौकशी केली जाईल. पंजाब पोलिसांनी दिलेल्या माहितीनुसार, सिद्धू मुसेवालाच्या हत्येमागे लॉरेन्स बिश्नोईच्या टोळीचा हात होता. या हल्ल्याप्रकरणी सध्या लॉरेन्स बिश्नोई दिल्ली (Delhi) पोलिसांच्या स्पेशल सेलच्या ताब्यात आहे. पंजाबमधील (Punjab) मानसा जिल्ह्यात रविवारी प्रसिद्ध पंजाबी गायक आणि काँग्रेस (Congress) नेते सिद्धू मुसेवालाची काही अज्ञात हल्लेखोरांनी गोळ्या झाडून हत्या केली. एक दिवस आधी पंजाब सरकारने मुसेवालाची सुरक्षा काढून घेण्यात आली होती.