The date of installation of the idol of Lord Ram in the sanctum sanctorum of Ram temple in Ayodhya has been fixed as January 22, 2024:
अखेर राम मंदिराच्या उद्घाटनाची प्रतीक्षा लवकरच संपणार आहे. नुकतेच श्री रामजन्मभूमी ट्रस्टचे सरचिटणीस चंपत राय यांनी पंतप्रधान नरेंद्र मोदी यांची भेट घेतली.
यासोबतच उत्तर प्रदेशातील अयोध्येतील राम मंदिराच्या गर्भगृहात भगवान रामाच्या मूर्तीच्या स्थापनेची तारीख 22 जानेवारी 2024 निश्चित करण्यात आली आहे.
श्री रामजन्मभूमी तीर्थ क्षेत्र ट्रस्टच्या पदाधिकाऱ्यांनी बुधवारी संध्याकाळी पंतप्रधान नरेंद्र मोदी यांची नवी दिल्लीत भेट घेतली आणि त्यांना रामजन्मभूमी येथे नव्याने बांधलेल्या मंदिरातील राम लल्लाच्या मूर्तीच्या अभिषेकसाठी औपचारिक निमंत्रण दिले.
पंतप्रधान नरेंद्र मोदी यांनी ट्विट केले की, श्री रामजन्मभूमी तीर्थ क्षेत्र ट्रस्टचे अधिकारी मला माझ्या निवासस्थानी भेटायला आले होते.
त्यांनी मला श्री राम मंदिराच्या अभिषेक प्रसंगी अयोध्येत येण्याचे निमंत्रण दिले आहे. मला खूप धन्य वाटते. माझ्या आयुष्यात या ऐतिहासिक प्रसंगाचे साक्षीदार होणे हे माझे भाग्य आहे.
पंतप्रधानांना भेटलेल्या ट्रस्टच्या शिष्टमंडळात सरचिटणीस चंपत राय, मंदिर बांधकाम समितीचे अध्यक्ष नृपेंद्र मिश्रा, कोषाध्यक्ष स्वामी गोविंददेव गिरी, ट्रस्ट सदस्य उडुपी पीठाधीश्वर स्वामी विश्वेश प्रसन्नतीर्थ यांचा समावेश होता.
श्री रामजन्मभूमी ट्रस्टचे सरचिटणीस चंपत राय यांनी आपल्या निवेदनात म्हटले आहे की, तेजावर मठाचे पूज्य स्वामी विश्वप्रसन्नतीर्थ जी महाराज, श्री रामजन्मभूमी तीर्थ क्षेत्राचे विश्वस्त जगतगुरु मध्वाचार्य, ट्रस्टचे कोषाध्यक्ष पूज्य स्वामी गोविंद महाराज, नृपेंद्र मिश्राजी यांच्यासमवेत मी स्वतः माननीय पंतप्रधानांना भेटायला गेलो होतो.
ते म्हणाले, 'आम्ही त्यांना 22 जानेवारीला अयोध्येला भेट देण्याची विनंती केली आणि नव्याने बांधलेल्या मंदिराच्या गर्भगृहात रामाच्या मूर्तीला कमळाच्या फुलांनी अभिषेक करण्याची विनंती केली.'
ते म्हणाले की, पंतप्रधानांनी आमची विनंती मान्य केली आहे, ही आनंदाची बाब आहे. प्राणप्रतिष्ठा महोत्सवानिमित्त ते उपस्थित राहणार आहेत.
चंपत राय यांनी पुढे सांगितले की, या कार्यक्रमाला सुमारे 4,000 पुजारी आणि 2,500 प्रतिष्ठित व्यक्ती उपस्थित राहण्याची अपेक्षा आहे.
या समारंभात राष्ट्रीय स्वयंसेवक संघाचे प्रमुख मोहन भागवत, उत्तर प्रदेशचे मुख्यमंत्री योगी आदित्यनाथ उपस्थित राहणार आहेत.
22 जानेवारीला प्रभू रामाच्या मूर्तीचा अभिषेक होणार आहे. दुपारी साडेबारा वाजता हा सोहळा पार पडणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.