महाराष्ट्रापासून उत्तर प्रदेशापर्यंत सुरु असलेल्या लाऊडस्पीकर वादाच्या पार्श्वभूमीवर योगी सरकारने (Yogi Government) मोठा निर्णय घेतला आहे. यूपीमधील मंदिर-मशीदसह सर्व धार्मिक स्थळांवर निश्चित केलेल्या मानकांनुसार कमी आवाजात लाऊडस्पीकर (loudspeakers) वाजवण्यास सरकारने सांगितले आहे. नियमांचे उल्लंघन होत असल्याचे आढळून आल्यास लाऊडस्पीकर हटविण्याचे आदेशही सरकारकडून देण्यात आले आहेत. राज्यात आतापर्यंत 100 हून अधिक लाऊडस्पीकर काढून टाकण्यात आले आहेत. (temple or mosque yogi government ordered loudspeaker to be lowered loudly)

दरम्यान, अशा धार्मिक स्थळांची पोलीस स्टेशननिहाय यादी तयार करण्याचे आदेश शासनाने दिले आहेत. किंबहुना, यापूर्वी रामनवमी आणि हनुमान जयंतीच्या दिवशी देशाच्या विविध भागात हिंसाचार आणि तणावाच्या घटना पाहता योगी सरकारला तात्काळ सतर्क करण्यात आले होते. देशातील सर्वाधिक लोकसंख्या असलेल्या उत्तर प्रदेशातील (Uttar Pradesh) अनेक जिल्हे या बाबतीत अत्यंत संवेदनशील मानले जातात. मुख्यमंत्री योगी यांनी सण समारंभासंबंधी शांतता राखण्यासाठी सर्व पोलीस अधिकाऱ्यांच्या 4 मे पर्यंतच्या सुट्या रद्द केल्या आहेत. यासोबतच कोणत्याही धार्मिक मिरवणुका किंवा मिरवणुकीसाठी आयोजकांकडून प्रतिज्ञापत्र घेण्याचे आणि धार्मिक स्थळांवर नियमांचे पालन करण्याचे आदेश देण्यात आले आहेत.

तसेच, सरकारने धार्मिक स्थळे, मग ती मंदिरे, मशीद किंवा इतर कोणत्याही धार्मिक समुदायाच्या ठिकाणी लाऊडस्पीकर वापरण्यासाठी मार्गदर्शक तत्त्वे जारी केली आहेत. नवीन मार्गदर्शक तत्त्वानुसार, मंदिरात वाजणाऱ्या लाऊडस्पीकरचा आवाज त्या जागेच्या बाहेर जाऊ नये. देशाच्या विविध भागांत झालेल्या वादानंतर, यूपीमध्ये केलेल्या तपासणीत असे आढळून आले की, अनेक धार्मिक स्थळांमध्ये विहित नियमांचे उल्लंघन करुन मोठ्या प्रमाणात लाऊडस्पीकर वाजवले जात आहेत.

आता अतिरिक्त मुख्य सचिव गृह अवनीश कुमार अवस्थी यांच्या वतीने याबाबत आदेश जारी करण्यात आला आहे. यामध्ये जिल्हास्तरावरील देवस्थानांमधील नियमांच्या पूर्ततेचा साप्ताहिक आढावा घेऊन 30 एप्रिलपर्यंत पहिला अनुपालन अहवाल शासनाला पाठविण्यास सांगण्यात आले आहे. जिल्ह्यांचा अहवाल विभागीय आयुक्तांमार्फत आणि आयुक्तालयाचा अहवाल पोलिस आयुक्तांमार्फत शासनाकडे पाठवला जाणार आहे. धर्मगुरुंशी संवाद आणि समन्वयाच्या आधारे बेकायदेशीर ध्वनीक्षेपक काढून टाकावेत आणि निर्धारित डेसिबलचे पालन करावे, असे आदेशात म्हटले आहे. आम्ही सुमारे 125 लाऊडस्पीकर काढून टाकले आहेत. त्याचबरोबर लोकांनी स्वेच्छेने सुमारे 17,000 लाऊडस्पीकरचा आवाज कमी केला आहे.