देशाची राजधानी दिल्लीत रिमझिम पावसामुळे पारा घसरला आहे. यामुळे वातावरण आल्हाददायक झाले आहे. त्यामुळे येथील नागरिकांना कडक उन्हापासून दिलासा मिळाला आहे. तर दुसरीकडे, देशाच्या उत्तर आणि मध्य भारतातील अनेक भागात गेल्या काही दिवसांपासून वाढत्या उष्णतेनंतर आता मान्सून सुरू झाल्याने तापमानात घट झाली आहे. त्यामुळे जनतेला काहीसा दिलासा मिळाला आहे. (Weather Updates In India news)

भारतीय हवामान विभागाच्या म्हणण्यानुसार, असा अंदाज दर्शवण्यात आली आहे की 23 जून ते 29 जून दरम्यान नैऋत्य मान्सून वायव्य भारत आणि मध्य भारतातील अनेक भाग व्यापू शकतो. IMD कडून गुरुवारी असे सांगण्यात आले की देशाच्या सर्व भागात उष्णतेच्या लाटेचा प्रभाव आता संपत आहे. IMD च्या मते, नैऋत्य मान्सून आता मध्य आणि पूर्व भारताकडे सरकत आहे. त्यामुळे पश्चिम विक्षोभाचा परिणाम उत्तर-पश्चिम भागावर होत आहे.

उष्णतेच्या लाटेपासून 29 जूनपर्यंत दिलासा मिळेल

IMD नुसार, 16 जूनपासून उष्णतेची लाट संपली आहे. नैऋत्य मोसमी पावसाच्या मध्य आणि पूर्व भारताकडे वाटचाल झाल्यामुळे, आता उत्तर-पश्चिम आणि मध्य भागांमध्ये कमाल तापमानात 5 ते 10 अंश सेल्सिअसची घट झाली आहे. त्याच बरोबर IMD च्या अंदाजानुसार 29 जून पर्यंत देशाच्या कोणत्याही भागात उष्णतेची लाट येण्याची शक्यता नाही.

15 जूनपर्यंत उष्णतेची लाट कायम होती

भारतीय हवामान विभागनुसार (IMD), 2 जूनपासून वायव्य भारत आणि 10 जूनपासून मध्य भारत उष्ण आणि कोरड्या पश्चिमेकडील वाऱ्यांमुळे उष्णतेच्या लाटेत होता. त्यामुळे नागरिकांना मोठ्या अडचणींचा सामना करावा लागला. IMD नुसार 15 जूनपर्यंत दिल्ली, दक्षिण हरियाणा, दक्षिण-पूर्व उत्तर प्रदेश आणि पश्चिम हिमालयीन प्रदेशाच्या विविध भागांमध्ये उष्णतेची लाट दिसून आली.