पटना : लालू प्रसाद यादव यांची प्रकृती खालावल्याने त्यांना रांची येथील रिम्समधून दिल्लीतील एम्समध्ये दाखल करण्यात आले आहे. दरम्यान, त्यांचा मोठा मुलगा तेज प्रताप यांनी वडिलांची प्रकृती आणि वयाचे कारण देत त्यांची सुटका करण्याची मागणी केंद्र सरकारकडे केली असून त्यांनी मुख्यमंत्री नितीशकुमार यांच्यावरही निशाणा साधला आहे. मेडिकल बोर्डाच्या सल्ल्यानुसार यादव यांना मंगळवारी रांची येथील RIMS येथून दिल्लीला पाठवण्यात आले. दिल्ली एम्स इमर्जन्सीमध्ये ठेवल्यानंतर मंगळवारी रात्री त्यांना डिस्चार्ज देण्यात आला होता. तर तिथल्या डॉक्टरांनी रांचीच्या रिम्समध्येच उपचाराबाबत सांगितले होते. (Tej Pratap said Central government should release father)

यावेळी तेज यांनी, आता आमच्या वडिलांना सोडावे, अशी आमची केंद्र सरकारकडे मागणी आहे. त्यांची प्रकृती दिवसेंदिवस ढासळत चालली आहे. ज्यांनी हे काम (चारा घोटाळा) केले ते बिनधास्त फिरत आहेत. मात्र माझ्या वडिलांनी चारा घोटाळा (Fodder Scam) उघड केला, त्यांना खोट्या प्रकरणात गोवण्यात आल्याचे ही तेज म्हणाले.

तसेच तेज म्हणाले की, वयाच्या २१व्या वर्षापासून ते तुरुंगात जात आहेत. ज्यांनी हे काम केले तेच लोक आज घरात बसले आहेत. यावेळी मुख्यमंत्री (CM Nitish Kumar) नितीश कुमार यांचा खरपूस समाचार घेत तेज यांनी, त्यांच्यावर गंभीर हत्येचा आरोप असून त्यांनाही जन्मठेपेची शिक्षा द्यावी, अशी आमची केंद्र सरकारकडे मागणी असल्याचे म्हटले.

दरम्यान, रांचीला येत असताना विमानतळावर त्यांची प्रकृती पुन्हा बिघडली. त्यानंतर बुधवारी सकाळी त्यांना पुन्हा एम्समध्ये (AIIMS) आणण्यात आले. आपत्कालीन स्थितीत तपास केल्यानंतर लालूंना नेफ्रोलॉजीच्या सी-6 वॉर्डमध्ये हलवण्यात आले आहे. लालूंवर नेफ्रोलॉजीचे डॉक्टर भौमिक यांच्या देखरेखीखाली उपचार सुरू आहेत.

लालूंच्या प्रकृतीबाबत त्यांचे धाकटे पुत्र आणि बिहारचे विरोधी पक्षनेते तेजस्वी यादव यांनी सांगितले की, त्यांना किडनी (Kidney) आणि हृदयाचा (Heart) त्रास आहे. रांचीमध्ये त्यांची क्रिएटिनिन पातळी ४.५ होती. दिल्लीला (Delhi) पोहोचल्यावर त्याची तपासणी केली असता ती वाढून ५.१ झाली. तर पुन्हा तपासणी केली असता त्याची पातळी ५.९ होती. तपासणी अहवालात संसर्ग झपाट्याने वाढत असल्याचे दिसून येत असल्याचेही तेजस्वी यांनी सांगितले.