Money Laundering Case: मनी लाँड्रिंग प्रकरणी काँग्रेस अध्यक्षा सोनिया गांधी यांची ईडी चौकशी संपली आहे. ईडी त्यांना सोमवारी पुन्हा चौकशीसाठी बोलावू शकते. अंमलबजावणी संचालनालयाच्या अधिकाऱ्यांनी आज सुमारे तीन तास त्यांची चौकशी केली.

दरम्यान, या प्रकरणी ईडीने सोनिया गांधी (Sonia Gandhi) यांचे पुत्र आणि काँग्रेस नेते राहुल गांधी (Rahul Gandhi) यांची पाच दिवसात 50 तासांपेक्षा अधिक तास चौकशी केली होती. नॅशनल हेराल्ड वृत्तपत्राची मालकी असलेल्या काँग्रेस-प्रवर्तित यंग इंडियन प्रायव्हेट लिमिटेडमधील कथित आर्थिक घोटाळ्याशी संबंधित ही चौकशी आहे.

दुसरीकडे, ईडीने (ED) प्रिव्हेन्शन ऑफ मनी लाँडरिंग कायद्याच्या (PMLA) फौजदारी कलमांतर्गत गुन्हा नोंदवल्यानंतर गेल्या वर्षीच्या अखेरीस सोनिया आणि राहुल यांची चौकशी सुरु करण्यात आली होती. यापूर्वी, 2013 मध्ये भाजप नेते सुब्रमण्यम स्वामी यांनी दाखल केलेल्या तक्रारीच्या आधारे कोर्टाने दखल घेतली होती.