The first phase of the Mahakal Lok corridor project was inaugurated by Prime Minister Narendra Modi in October last year. Dainik Gomantak
देश

Mahakal LOK: सात महिन्यांतच खेळखंडोबा! मोदींनी उद्घाटन केलेल्या 'महाकाल लोक'मधील 6 मूर्तींचे नुकसान

Corruption allegations in Mahakal Lok Project : महाकाल लोक कॉरिडोअर प्रकल्पामध्ये भ्रष्टाचार झाल्याचा आरोप करत काँग्रेसने सरकारवर हल्लाबोल केला आहे.

गोमन्तक डिजिटल टीम

Six idols at  Mahakal Lok corridor collapse

मध्य प्रदेशातील उज्जैनमधील खराब हवामानाचा महाकाल लोक कॉरिडोअर प्रकल्पावरही परिणाम झाला आहे. वादळामुळे `महाकाल लोक`च्या काही मूर्तींचे मोठे नुकसान झाले असून काही मुर्ती पडल्या आहेत. रविवारी दुपारच्या सुमारास ही घटना घडल्याची माहिती आहे. महाकाल लोका कॉरिडोअरमध्ये स्थापित सप्तर्षींच्या सात मूर्तींपैकी सहा मूर्ती पडल्या आहेत. मात्र, जिल्हाधिकाऱ्यांनी ते लवकरच दुरुस्त करणार असल्याचे सांगितले आहे.

तर दुसरीकडे महाकाल लोक कॉरिडोअर प्रकल्पामध्ये भ्रष्टाचार झाल्याचा आरोप करत काँग्रेसने सरकारवर हल्लाबोल केला आहे. कमलनाथ, अरुण यादव यांच्यासह काँग्रेसच्या ट्विटर हँडलवरून ट्विट करण्यात आले, तर संध्याकाळी उशिरा भोपाळमध्ये एक समिती स्थापन करण्यात आली, जी महाकाल लोक कॉरिडोअर प्रकरणाचा अहवाल तयार करेल.

रविवारी दुपारी अचानक वादळ आणि जोरदार पाऊस झाला. त्यामुळे महाकाल लोका कॉरिडोअरमधील सप्तर्षींच्या सात मूर्तींपैकी सहा मूर्ती वाऱ्यामुळे खाली पडल्या, त्यापैकी एका मूर्तीची मान मोडली, तर दोन मूर्तींचे हात तुटले. यासोबतच काही मूर्तींच्या डोक्यालाही तडा गेला आहे.

महाकाल लोक मध्ये मूर्ती पडल्याची माहिती मिळताच शहर काँग्रेसचे अध्यक्ष रवी भदौरिया व अन्य पदाधिकाऱ्यांनी तात्काळ महाकाल लोक कॉरिडोअर गाठले, या मूर्ती बनवताना कोट्यवधींचा भ्रष्टाचार झाल्याचा आरोप त्यांनी केला. या घटनेनंतर सामान्य भाविकांचा प्रवेश बंद करण्यात आला असला तरी सायंकाळी उशिरा लोकांना पुन्हा येण्यास मज्जाव करण्यात आला.

दावे फोल

या मूर्तींना वादळामुळे नुकसान होणार नाही किंवा पावसाचाही फटका बसणार नाही, असे मोठमोठे दावे मूर्ती बसवताना करण्यात आले होते, मात्र प्लास्टर ऑफ पॅरिसच्या या मूर्ती पहिल्याच पावसात पडल्या.

11 ऑक्टोबर 2022 रोजी पंतप्रधान नरेंद्र मोदी यांनी उज्जैन येथील जगप्रसिद्ध ज्योतिर्लिंग महाकालेश्वर मंदिराच्या नवीन संकुल 'महाकाल लोक' कॉरिडोअरचे उद्घाटन केले. दोन टप्प्यात बांधण्यात आलेल्या श्री महाकाल लोक कॉरिडोअरच्या पहिल्या टप्प्यात सुमारे 356 कोटी रुपयांची कामे झाली आहेत. एकूण 855 कोटी रुपयांची कामे करायची आहेत.

वादळ आणि पाऊस सुरू झाला त्यावेळी महाकाल लोक कॉरिडोअर मध्ये भाविक मोठ्या संख्येने उपस्थित होते. रविवार असल्याने भाविकांची संख्या अधिक होती. या अपघातात अनेक भाविक थोडक्यात बचावले. महाकाल लोकांच्या निर्मितीनंतर उज्जैनमध्ये दर्शनासाठी येणाऱ्यांची संख्या दुप्पट झाली होती.

महाकाल लोक पुन्हा भाविकांसाठी खुले

महाकाल लोक कॉरिडोअरमध्ये वादळामुळे मूर्तींचे नुकसान झाल्याने तेथील प्रवेश काही काळ बंद करण्यात आला होता. जिल्हाधिकारी कुमार पुरुषोत्तम यांनी मूर्तींवर योग्य उपाय योजना करून महाकाल लोक कॉरिडोअर पुन्हा भाविकांसाठी खुले केले आहेत. याबाबत प्रशासनाने अफवांवर कानाडोळा न करून पूजा व दर्शनाचा लाभ घ्यावा, असे आवाहन करण्यात आले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Tigers In Goa: माणसाच्या उत्पत्तीपूर्वीपासून पृथ्वीवर असलेले, वाघुर्मे गावात देवासारखे पुजले जाणारे 'वाघ' आम्हाला नकोसे झालेत का?

Goa Assembly Session: टॅक्सी व्यवसाय नींज गोयंकर यांच्या हातात राहिला पाहिजे

Love Horoscope: मनातल्या भावना व्यक्त करायची हीच योग्य वेळ, तुमची 'चंद्र रास' काय सांगते? वाचा

Goa Opinion: कोण म्हणतंय पत्रकारिता संपली?

WI vs AUS: 5 सामने, 5 पराभव! ऑस्ट्रेलियाने 5-0 ने मालिका जिंकत टीम इंडियाच्या 'या' विक्रमाची केली बरोबरी

SCROLL FOR NEXT