बिहारच्या औरंगाबादमध्ये एक धक्कादायक प्रकार घडला आहे. येथे प्रियकराने लग्नास नकार दिल्यानंतर तरुणीसह तिच्या 6 मैत्रिणींनी विष प्राशन केले. तीन मैत्रिणींचा मृत्यू झाला, तर तीन मुलींची प्रकृती चिंताजनक आहे. त्यांना मगध मेडिकल कॉलेजमध्ये दाखल करण्यात आले आहे.

एसपी कांतेश कुमार मिश्रा यांनी सांगितले की, मृत तरुणींपैकी एकीचे तिच्या मेव्हण्यावर प्रेम होते. तीने आपल्या मैत्रिणींसह तरुणासमोर प्रेम व्यक्त केले आणि लग्नाची ऑफर दिली, मात्र मुलाने नकार दिला आणि निघून गेला. प्रियकराने नकार दिल्यानंतर सर्व मैत्रिणी आपल्या गावी परतल्या. मात्र नंतर प्रेम व्यक्त केलेल्या मुलीने विष प्राशन केले. यानंतर इतर मित्रांनीही तिला साथ दिल्याने सर्वांनी आलटून पालटून विषारी द्रव्य प्राशन केले.

मुलींनी विष प्राशन केल्याची माहिती मिळताच ग्रामस्थ जमले आणि त्यांना वाचवण्याचा प्रयत्न केला. मात्र तीन मुलींचा मृत्यू झाला. उर्वरित तीन मुलींना उपचारासाठी मगध मेडिकल कॉलेजमध्ये नेण्यात आले. जिथे त्याच्यांवर उपचार सुरू आहेत.

घटनेची माहिती मिळताच सीओ अवधेश कुमार सिंह, एसएचओ राजगृह प्रसाद, मुख्य प्रतिनिधी अनुज कुमार सिंह घटनास्थळी पोहोचले आणि परिस्थितीचा आढावा घेतला. गावात तीन मुलींचा एकत्रित मृत्यू झाल्याने गावात एकच खळबळ उडाली असून कुटुंबीयांची (Family) दुरवस्था झाली आहे. याठिकाणी तिन्ही मुलींच्या मृत्यूनंतर पोलिसांनी (Police) या सर्वांचे मृतदेह शवविच्छेदनासाठी पाठवले आहेत.