Samastipur Suicide case Twitter
देश

समस्तीपूरमध्ये एकाच कुटुंबातील 5 जणांची आर्थिक संकटामुळे गळफास घेऊन आत्महत्या

बिहारमधील समस्तीपूरमध्ये एकाच कुटुंबातील 5 जणांनी फासावर लटकल्याची धक्कादायक घटना समोर आली आहे

दैनिक गोमन्तक

बिहारमधील (Bihar) समस्तीपूरमध्ये एकाच कुटुंबातील 5 जणांनी फासावर लटकल्याची धक्कादायक घटना समोर आली आहे. दिल्लीतील बुरारी प्रकरणात ज्याप्रकारे संपूर्ण कुटुंबच फासावर लटकत सापडले होते, तसाच एक प्रकार समस्तीपूरमध्ये समोर आला आहे. हे खळबळजनक प्रकरण विद्यापतीनगर पोलीस ठाण्याच्या हद्दीतील मऊ गावचे आहे. (Samastipur Suicide case)

आर्थिक विवंचनेला कंटाळून संपूर्ण कुटुंबाने आत्महत्या केल्याचे सांगण्यात येत आहे. पाच जणांच्या आत्महत्येच्या बातमीने परिसरात एकच खळबळ उडाली आहे. तात्काळ पोलिसांचे पथक घटनास्थळी पोहोचले आणि तपास सुरू केला. त्याचबरोबर एफएसएल टीमलाही घटनास्थळी पाचारण करण्यात आले आहे.

मऊ गावातील प्रभाग 11 मध्ये राहणारा मनोज झा ऑटो चालवून खैनी विकून कुटुंबाचा उदरनिर्वाह करत होता. . त्यांच्या पश्चात आई सीता देवी, पत्नी सुंदरमणी देवी आणि दोन मुले असा परिवार आहे. सातत्याने प्रयत्न करूनही मनोज झा यांच्यावर कर्जाचा बोजा वाढतच होता, असे गावकऱ्यांचे म्हणणे आहे. पैसे वसूल करणारे सतत त्याच्या घरी यायचे. आर्थिक विवंचनेमुळे संपूर्ण कुटुंबानेच हे पाऊल उचलले असण्याची शक्यता वर्तवली जात आहे.

कर्ज आणि आर्थिक संकटामुळे आत्महत्या

कर्जाचा बोजा आणि कौटुंबिक जबाबदाऱ्या पूर्ण न केल्यामुळे मनोज झा खूप अस्वस्थ होता. त्याने अनेक गटांकडून कर्जही घेतले होते. ते कर्ज मुदतीत भरू शकले नाही. आर्थिक परिस्थिती हलाखीची असल्याने त्याने कुटुंबीयांसह घरात गळफास घेऊन आत्महत्या केल्याची भीती व्यक्त करण्यात येत आहे.

प्रभाग 11 मध्ये राहणारे मनोज झा (45), त्याची आई सीता देवी (65), मनोज झा यांची मुले सत्यम कुमार (10) आणि शिवम कुमार (07), मनोजची पत्नी सुंदरमणी देवी (३८) यांचा समावेश आहे. पोलिसांनी घटनास्थळी पोहोचून संपूर्ण नाकाबंदी केली. एफएसएल टीमला येथे पाचारण करण्यात आले आहे. पोलिसांचे पथक या प्रकरणाचा सातत्याने तपास करत आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Arvind Kejriwal: 2027 मध्ये गोव्यात 'आम आदमी'चे सरकार; केजरीवालांना आत्मविश्वास, काँग्रेसवर भाजपला मदत केल्याचा आरोप

Government Advisory on Cough Syrup: '2 वर्षांखालील मुलांना 'कफ सिरप' देऊ नका!' मृत्यूतांडवानंतर आरोग्य मंत्रालयाकडून सर्व राज्यांना महत्त्वाची सूचना

Parra Dussehra 2025: वीरश्रीची प्रचिती आणणारा, विधी-परंपरांचा आविष्कार उत्स्फूर्तपणे घडवणारा 'पर्ये गावचा दसरा'

Horoscope: धनलाभ, नोकरी आणि यश! शुक्र-केतू युतीचा 'या' 3 राशींना मोठा फायदा; दिवाळीपूर्वीच चमकेल नशीब

मोपावरुन पहिल्यांदाच 'अंटार्क्टिका'कडे झेपावले मालवाहू विमान, वेगाने हाणार रसद पुरवठा

SCROLL FOR NEXT