Shocking Statement Of Sadhvi Prachi: विश्व हिंदू परिषदेच्या नेत्या साध्वी प्राची या आपल्या भडक वक्तव्यांसाठी ओळखल्या जातात. रविवारी साध्वी प्राची यांनी लव्ह जिहादबाबत मोठे वक्तव्य केले.

साध्वी प्राची म्हणाल्या की, देशभरातील सर्व मदरसे बंद करावेत. येथूनच लव्ह जिहादची सुरुवात होते. त्याचबरोबर त्या पुढे म्हणाल्या की, हिंदू (Hindu) फक्त पैसा कमावण्याचा विचार करतो. तर एका विशिष्ट समाजाचे लोक भारतावर राज्य करण्याचा विचार करतात. हा अजेंडा हजारो वर्षांपासून सुरु आहे.

दरम्यान, बरेलीमध्ये माध्यमांशी बोलताना साध्वी प्राची म्हणाल्या की, मदरसे बंद होताच देशातून लव्ह जिहादही संपेल. केवळ भारतातच नाही तर इतर देशांमध्येही शांतता नांदेल.

अखिलेश यांनी मुख्यमंत्री होण्याचे स्वप्न सोडावे

सपा प्रमुख अखिलेश यादव (Akhilesh Yadav) यांनी पुन्हा उत्तर प्रदेशचे मुख्यमंत्री बनण्याचे स्वप्न सोडावे, असे साध्वी प्राची म्हणाल्या. ते यूपीचे मुख्यमंत्री किंवा देशाचे पंतप्रधान होणार नाहीत.

2024 च्या लोकसभा निवडणुकीत पीएम मोदी पुन्हा सत्तेत येणार आहेत. देशातील जनता पंतप्रधान मोदींनाच मतदान करेल. ही गोष्ट सर्वांना माहीत आहे, असेही प्राची म्हणाल्या.

तसेच, लव्ह जिहाद आणि जबरदस्तीने धर्मांतराची अनेक प्रकरणे देशभरात समोर आली आहेत. देशाची राजधानी दिल्लीपासून मध्य प्रदेशपर्यंत अशी अनेक प्रकरणे समोर आली आहेत. दिल्लीला लागून असलेल्या गाझियाबादमध्ये एका गेमिंग अॅपच्या माध्यमातून धर्मांतराचा प्रकार समोर आला आहे.