नवी दिल्ली: रेल्वे प्रवाशांना एकीकृत डिजिटल सेवा देण्याच्या उद्देशाने तयार करण्यात आलेल्या ‘रेलवन’ ॲपला आजपासून सुरुवात करण्यात आली. केंद्रीय रेल्वेमंत्री अश्विनी वैष्णव यांच्या हस्ते या ॲपचे उद्‍घाटन करण्यात आले आहे.

‘सेंटर फॉर रेल्वे इन्फॉर्मेशन सिस्टिम्स’च्या (सीआरआयएस) चाळिसाव्या स्थापना दिवसाचे औचित्य साधत ‘रेलवन’ ॲपचे उद्‍घाटन करण्यात आले आहे. ‘अँड्रॉइड’ तसेच ‘आयओएस ॲप स्टोअर’वरून ते डाउनलोड करता येईन.

फायदा काय?

• सर्व सुविधा आता एकाच प्लॅटफॉर्मवर

• ॲपचे स्वरूप ‘वन स्टॉप सोल्यूशन’

• आरक्षित, अनारक्षित प्लॅटफॉर्म तिकीट बुकिंग

• तत्काळ अन् प्रिमिअम गाड्यांचे बुकींग शक्य

हे पण दिसेल

• गाडीचा क्रमांक

• जागांची उपलब्धता

• गाडी नेमकी कोठे

• स्टेशन अलर्ट

• गाड्यांचे वेळापत्रक

भोजनही मागवा

प्रवासादरम्यान ऑनलाइन जेवण मागवायचे असेल तर ती सुविधाही उपलब्ध करून देण्यात आली आहे. याशिवाय तक्रारींचा निपटारा, फीडबॅक सिस्टिम, आपत्कालीन मदत ही सेवा त्यात असेन. मालगाड्यांची माहिती, माल बुकिंग आणि ट्रॅकिंगची माहिती लोकांना घेता येणार आहे.

असे करा लॉग-इन : ‘रेल कनेक्ट’ किंवा ‘यूटीएस ऑनलाइन’ या ॲपचा यूजर आयडी वापरून ‘रेलवन’ ॲपमध्ये लॉग-इन करता येईन. रेल्वे ‘ई-वॉलेट’, सुरक्षा- सुविधेसाठी बायोमेट्रिक तसेच ‘एम-पिन’ लॉगिन ही ॲपची आणखी काही वैशिष्ट्ये म्हणता येतील.