शेतकरी कृषी कायद्याविरोधात सातत्याने निषेध करत आहेत. दरम्यान, स्वत: राहुल गांधी आज ट्रॅक्टर चालवून संसदेत पोहोचत आहेत. म्हणजे आजही संसदेत जोरदार गदारोळ होण्याची शक्यता आहे.

दिल्लीच्या(Delhi) वेगवेगळ्या सीमांवर कृषी कायद्याविरोधात शेतकरी आंदोलन(Farmer Protest) सुरू आहे. या आंदोलनाचा आवाज संसदेपर्यंत(Parliament) ऐकू येत आहे. विरोधक शेतकरी कायद्यांच्या(Agriculture Bill) मुद्यावर पावसाळी अधिवेशनात गदारोळ निर्माण करीत आहेत. दरम्यान, आज कॉंग्रेसचे माजी अध्यक्ष राहुल गांधीही(Rahul Gandhi) या शेतकरीविरोधी कायद्याच्या निषेधात सामील झालेले पाहायला मिळाले.

स्वत: राहुल गांधी आज ट्रॅक्टर चालवून संसद भवनात पोहोचले. राहुल ज्या ट्रॅक्टरच्या सहाय्याने संसद भवनात पोहोचला होता त्यावर लाल रंगाचे बोर्ड होते. ज्यावर 'कृषीविरोधी तीन काळे कायदे परत घ्या,परत घ्या '.

संसदेत पोहोचतांना राहुल गांधींनी माध्यमांशी संवाद साधत "आम्ही शेतकऱ्यांचा संदेश घेऊन संसदेत आलो आहोत.शेतकऱ्यांचा आवाज दाबला जात आहे. सरकारला शेती कायदे मागे घ्यावेच लागतील. हे कायदे 2-3 बड्या उद्योगपतींसाठी आहेत. शेतकऱ्यांच्या फायद्यासाठी नाहीत, नफ्यासाठी नाहीत. हे काळे कायदे आहेत. " अशी टीका त्यांनी केली आहे.

दरम्यान आजही कृषी कायद्याच्या मुद्दय़ावरून संसदेत तीव्र गदारोळ होण्याची शक्यता आहे.