जम्मू : जम्मू-काश्मीरामधील कलम 370 ऑगस्ट ( 2019 मध्ये ) हटवल्यानंतर पंतप्रधान नरेंद्र मोदी पहिल्यांदा जम्मू दौऱ्यावर आहेत. यावेळी सार्वजनिक सभेचे आयोजन केले जाणार असून या सभेच्या पुर्ततेसाठी ३० हजारांहून अधिक पंचायत सदस्यांसह एक लाखाहून अधिक लोकांची राहण्याची व्यवस्था करण्यात आली आहे. ( Prime Minister Narendra Modi on his first visit to Jammu)

यादरम्यान, 3100 कोटी रुपयांहून अधिक खर्च करून बांधलेल्या बनिहाल काझीगुंड रोड बोगद्याचे उद्घाटन करण्यात आले. तसेच किश्तवाड जिल्ह्यातील 850 मेगावॅट रॅटले जलविद्युत प्रकल्पाची पायाभरणी केली. जम्मू-काश्मीरमध्ये लोकशाही मजबूत झाली आहे. 370 काढून तुम्हाला मजबूत केले. केंद्र सरकारच्या योजना आता येथे राबवल्या जात आहेत. त्याचा लाभ लोकांना मिळत आहे. जम्मू-काश्मीर विकासाची नवी गाथा लिहिणार आहे. येथील लोकांनी इतिहास घडवला आहे, असे म्हणत काश्मिरवासियांचे मोदींनी कौतूक केले. पंतप्रधान मोदींनी परगण्यात 500 किलोवॅट सौर ऊर्जा प्रकल्पाचे उद्घाटन देखील केले, ज्यामुळे कार्बन न्यूट्रल बनणारी देशातील पहिली पंचायत बनली आहे.

अनेक प्रकल्पांचे उद्घाटन करण्यात आले

पंतप्रधान मोदींनी परगणामध्ये 500 किलोवॅट सौर ऊर्जा प्रकल्पाचे उद्घाटन देखील केले, ज्यामुळे कार्बन न्यूट्रल होणारी देशातील पहिली पंचायत होईल. J&K मधील जनऔषधी केंद्रांचे जाळे आणखी विस्तारण्यासाठी आणि परवडणाऱ्या किमतीत चांगल्या दर्जाची जेनेरिक औषधे उपलब्ध करून देण्यासाठी 100 केंद्रे स्थापन करण्यात आली आहेत. पंतप्रधानांनीही ते राष्ट्राला समर्पित केले.