जपानचे माजी पंतप्रधान शिंजो आबे (Shinzo Abe) यांच्या दुःखद निधनाच्या (Passed Away) पार्श्वभूमीवर भारत सरकारने (Indian Government) राष्ट्रीय राष्ट्रीय दुखवटा जाहीर केला आहे. पंतप्रधान नरेंद्र मोदी (PM Narendra Modi) यांनी एक ट्विट जारी करून म्हटले आहे की, "माजी पंतप्रधान आबे शिंजो यांच्याबद्दल मनापासून आदर व्यक्त करण्यासाठी, 9 जुलै 2022 रोजी राष्ट्रीय दुखवटा जाहीर करण्यात आला आहे. (PM Modi declares one day of national mourning in india over Shinzo Abe death)

पंतप्रधान नरेंद्र मोदी यांनी ट्विट करून शोक व्यक्त केला आहे. त्यांनी ट्विट केले आहे की, “माझ्या सर्वात प्रिय मित्रांपैकी एक शिंजो आबे यांच्या दुःखद निधनाने मला धक्का बसला आणि दु:खही झाले आहे. ते एक महान जागतिक राजकारणी, एक उत्कृष्ट नेता आणि एक उल्लेखनीय प्रशासक देखील होते. शिंजो आबे यांनी आपले जीवन जपान आणि जगाला एक चांगले स्थान बनवण्यासाठी समर्पित केले.

दुसर्‍या ट्विटमध्ये पीएम मोदी म्हणाले की, "आबे यांच्यासोबतचा माझा संबंध अनेक वर्षांचा आहे. गुजरातच्या मुख्यमंत्रीपदाच्या कार्यकाळात मी त्यांना ओळखत होतो आणि मी पंतप्रधान झाल्यानंतरही आमची मैत्री कायमच होती. अर्थव्यवस्थेबद्दल आणि जागतिक घडामोडींबद्दलच्या त्यांच्या तीक्ष्ण अंतर्दृष्टीने माझ्यावर नेहमीच खोल छाप सोडली."

या दु:खाच्या प्रसंगी पीएम मोदींनी सोशल मीडियावर एक फोटो शेअर केला. फोटो शेअर करताना त्यांनी लिहिले की, “माझा प्रिय मित्र शिंजो आबे यांच्यासोबत टोकियोमध्ये झालेल्या माझ्या सर्वात अलीकडील भेटीचा फोटो शेअर करत आहे तसेच भारत-जपान संबंध दृढ करण्यासाठी नेहमीच उत्कट, त्यांनी नुकतेच जपान-भारत असोसिएशनचे अध्यक्षपद देखील स्वीकारले होते."