मनसे प्रमुख राज ठाकरेंनी आपल्या औरंगाबाद येथील सभेत भोंगे आणि हनुमान चालीसा यामुद्यावरुन उपस्थितांना संबोधित करताना खळबळजनक भाष्य केलं होतं. यावरून महाराष्ट्र पोलीसांनी मनसे आणि हिंदू दलाच्या कार्यकर्त्यांना ताब्यात घेतले होते. अशी पार्श्वभूमी असतानाच उत्तर प्रदेशमध्ये मुख्यमंत्री योगी आदित्यनाथ यांनी नियमांचे उल्लंघन करणारे भोंगे उतरवण्याचे आदेश दिले होते. यावरुन उत्तर प्रदेशातील सुमारे एक लाख भोंगे उतरवले आहेत. तसेच पुन्हा भोंगे लावण्याची हिंमत कुणी करू नये. असे ही त्यांनी म्हटले आहे.(No one should dare to install loudspeakers again in Uttar Pradesh)

शनिवारी सायंकाळी झाशी येथे योगी आदित्यनाथ यांनी लोकप्रतिनिधींशी चर्चा केली, विकासकामांचा विभागीय आढावा घेतला. शिवाय काढून टाकलेले लाऊडस्पीकर पुन्हा चालू होणार नाहीत याची काळजी घेण्याचे निर्देश त्यांनी अधिकाऱ्यांना दिले. “धार्मिक कार्यक्रम धार्मिक स्थळांच्या आवारातच मर्यादित असावेत, रस्त्यावर कोणताही उत्सव आयोजित करू नये आणि या कार्यक्रमांमुळे सामान्य नागरिकांची गैरसोय होऊ नये, याची काळजी घेतली जावी,” असं योगी आदित्यनाथ म्हणाले.

उत्तर प्रदेशमध्ये धार्मिक स्थळांवर लावण्यात आलेले बेकायदेशीर लाऊडस्पीकर हटवण्याची आणि इतर लाऊडस्पीकरचा आवाज विहित मर्यादेपर्यंत मर्यादित करण्याची मोहीम २५ एप्रिलपासून सुरू झाली होती आणि ती १ मेपर्यंत चालली होती. त्यामूळे राज ठाकरे यांनी केलेले भाष्य यावर महाराष्ट्रात आवश्यक अनुकूलता राज्य सरकारने दर्शवली नसली तरी उत्तर प्रदेशमध्ये मात्र याबाबत योगी आदित्यनाथ यांनी तातडीने आदेश जारी करत भोंगे उतरवले आहेत.