Mizoram: मणिपूर सध्या आंदोलने, हिंसा, अत्याचार आणि दोन गटातील संघर्ष यांमुळे मोठ्या चर्चेत आहे. आता मिझोराममध्ये 1.24 कोटीची हिरोईन जप्त केल्याने खळबळ निर्माण झाली आहे.

मिळालेल्या माहितीनुसार, आसाम रायफलच्या मिझोराम बटालियनमधील जनरल इंन्पेक्टर जनरलच्या मार्गदर्शनाखाली ही कारवाई केली आहे. 1 ऑगस्टला झोटे, चांफई या परिसरात 1.24 कोटी रुपयांपेक्षा जास्त किमतीचे हेरॉईनचा साठा जप्त केला आहे.

कायदेशीर कारवाईसाठी जप्त केलेले हेरॉईन चांफईच्या एक्साइज अँड नार्कोटिक्स डिपार्टमेंटला सोपवण्यात आले आहे.

दरम्यान, मणिपूरमध्ये कुकी आणि मताई या दोन गटांमध्ये हिंसक पद्धतीने संघर्ष सुरु असून काही दिवसांपूर्वीच महिलांची विवस्त्र धिंड काढल्याचा व्हिडिओ व्हायरल झाला होता. या व्हायरल झालेल्या व्हिडिओनंतर देशभरात संतापाची लाट उसळली होती.

मणिपूरमधील हिंसाचार आणि अत्याचाराचा परिणाम मिझोराममध्ये होऊ नये यासाठी मिझोरामच्या राज्य सरकारने मतैई समाजाला सुरक्षा पुरवली होती. आता मिळालेल्या ड्रग्जच्या साठ्यानंतर नार्कोटिक्स डिपार्टमेंट काय कारवाई करणार हे पाहणे महत्वाचे ठरणार आहे.