Marital rape not a crime if wife is above 18 years, Allahabad High Court. Dainik Gomantak
देश

पत्नीचे वय १८ वर्षांपेक्षा जास्त असल्यास वैवाहिक बलात्कार हा गुन्हा मानता येणार नाही: हायकोर्ट

सर्वोच्च न्यायालयाने वैवाहिक बलात्काराला गुन्हा ठरवण्यासाठी याचिकांची सुनावणी करण्यास सहमती दर्शवली आबे. वैवाहिक बलात्काराला गुन्हेगार ठरवण्याचे "सामाजिक परिणाम" होतील, असे केंद्र सरकारने सर्वोच्च न्यायालयात सादर केले होते.

Ashutosh Masgaunde

Marital rape not a crime if wife is above 18 years, Allahabad High Court:

पत्नीचे वय १८ वर्षांपेक्षा जास्त असेल तर वैवाहिक बलात्कार हा गुन्हा मानला जाऊ शकत नाही, असे निरीक्षण नोंदवत अलाहाबाद उच्च न्यायालयाने पत्नीविरुद्ध "अनैसर्गिक गुन्हा" केल्याचा आरोप असलेल्या व्यक्तीची निर्दोष मुक्तता केली.

एका अहवालानुसार, न्यायमूर्ती राम मनोहर नारायण मिश्रा यांच्या खंडपीठाने सांगितले की, या देशात वैवाहिक बलात्काराला अद्याप गुन्हा म्हणून वर्गीकृत करण्यात आलेले नाही.

अलाहाबाद उच्च न्यायालयाने असेही म्हटले आहे की, वैवाहिक बलात्काराचा गुन्हा ठरवणाऱ्या याचिका सर्वोच्च न्यालयात अद्याप प्रलंबित असल्याने, पत्नीचे वय १८ वर्षे किंवा त्यापेक्षा जास्त असेल तेव्हा वैवाहिक बलात्कारासाठी कोणताही फौजदारी गुन्हा नाही, जोपर्यंत सर्वोच्च न्यायालय खटल्याचा निकाल देत नाही. .

मध्य प्रदेश उच्च न्यायालयाच्या मागील निरीक्षणाची दखल घेत अलाहाबाद उच्च न्यायालयाने असेही म्हटले आहे की, वैवाहिक संबंधात कोणत्याही 'अनैसर्गिक गुन्ह्याला' (कलम 377 IPC नुसार) स्थान नाही.

फिर्यादीने तिच्या याचिकेत आरोप केला आहे की, त्यांचे लग्न हे अपमानास्पद नाते होते. पतीने तिच्यावर शाब्दिक आणि शारीरिक अत्याचार आणि लैंगिक अत्याचारासह जबरदस्ती केल्याचा आरोप केला आहे.

न्यायालयाने पतीला क्रूरता आणि पती किंवा पतीच्या नातेवाईकांकडून दुखापत करणे ) संबंधित कलमांखाली दोषी ठरवले, तर कलम 377 अंतर्गत बलात्काराच्या आरोपातून निर्दोष मुक्तता केली.

तथापि, कलम 377 अन्वये दोषी ठरविण्याबाबत, न्यायालयाने असे मत व्यक्त केले की, या देशात अद्याप वैवाहिक बलात्काराला गुन्हा ठरवण्यात आलेला नाही.

न्यायालयाने पुढे सांगितले की, वैवाहिक बलात्काराला गुन्हेगार ठरवण्यासाठी काही याचिका सर्वोच्च न्यायालयासमोर विचारार्थ प्रलंबित आहेत, परंतु त्या याचिकांवर कोणताही निर्णय येईपर्यंत पत्नीचे वय १८ वर्षे किंवा त्याहून अधिक असेल तेव्हा वैवाहिक बलात्कारासाठी कोणताही फौजदारी गुन्हा मानता येणार नाही.

या खटल्यातील वैद्यकीय पुरावे अनैसर्गिक संभोगाच्या आरोपांना समर्थन देत नाहीत हे लक्षात घेण्याबरोबरच, न्यायालयाने ६ डिसेंबर रोजी दिलेल्या या निकालात म्हटले आहे की, प्रस्तावित भारतीय न्याय संहिता, जी आयपीसीची जागा घेण्याची शक्यता आहे, त्यात कलम 377 आयपीसीसारखी कोणतीही तरतूद नाही.

या वर्षाच्या सुरुवातीला, सर्वोच्च न्यायालयाने वैवाहिक बलात्काराला गुन्हा ठरवण्यासाठी याचिकांची सुनावणी करण्यास सहमती दर्शवली. वैवाहिक बलात्काराला गुन्हेगार ठरवण्याचे "सामाजिक परिणाम" होतील, असे केंद्र सरकारने सर्वोच्च न्यायालयात सादर केले होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

गोवा ट्रीपसाठी विद्यार्थिनीने काकाच्या घरी टाकला दरोडा, 65 लाखांचे सोने, कॅश चोरली; चार जणांना अटक

Goa Assembly Live: 'जुन्या गोव्यासाठी मास्टर प्लॅनची मागणी' युरी आलेमाओ

Goa Assembly Session: "आम्ही मतांचे राजकारण करत नाही,गोव्याच्या भल्यासाठी काम करतोय!" EHN वादावर मुख्यमंत्र्यांचे सरदेसाईंना 'सडेतोड' उत्तर

Goa Panchayat Tax Scam:प्रत्येक पंचायतीत नाकाखाली कर चुकवेगिरीचा घोटाळा; वेंझीच्या प्रश्नावरुन मंत्री गुदिन्होंनी पंचायतीना दिला कडक इशारा

ICC Test Ranking: आयसीसी कसोटी क्रमवारीत उलटफेर! यशस्वी जयस्वालला मोठा फटका, जो रुट पहिल्या स्थानी कायम; पंतने घेतली आघाडी!

SCROLL FOR NEXT