K-FON Service Of Kerala Government
केरळ सरकारने केरळ फायबर ऑप्टिक नेटवर्क (K-FON) नावाची नवीन सेवा सुरू केली आहे. ही सेवा सुरू झाल्यानंतर केरळ हे स्वत:ची इंटरनेट सेवा असलेले देशातील पहिले आणि एकमेव राज्य बनले आहे. यासह सरकार राज्यातील नागरिकांना मोफत इंटरनेट सेवा देणार आहे. पहिल्या टप्प्यात राज्यातील १४ हजार कुटुंबांना मोफत इंटरनेटचा लाभ दिला जाणार आहे.
यावेळी राज्याचे मुख्यमंत्री पिनाराई विजयन यांनी ट्विटरवर लिहिले की, अखेर राज्यातील प्रत्येक व्यक्तीला इंटरनेट देण्याचे स्वप्न साकार झाले आहे. आता 20 लाख कुटुंबांना मोफत इंटरनेट देण्यात येणार आहे. यामुळे डिजिटल डिव्हाईड दूर होईल.
K-FON च्या वेबसाइटनुसार, राज्यातील आर्थिकदृष्ट्या मागास कुटुंबांना मोफत इंटरनेट सेवा दिली जाणार आहे. यासाठी मल्टी-सिस्टम ऑपरेटर, इंटरनेट सेवा पुरवठादार आणि टीएसपी यांच्याशी भागीदारी केली जाईल.
या प्रकल्पाद्वारे, केरळमधील 17,280 हून अधिक सरकारी कार्यालयांना आधीच मोफत इंटरनेट सेवा कनेक्शन मिळत आहेत. त्याच वेळी, राज्य सचिवालय आणि 10 जिल्हाधिकारी आधीच त्याचा वापर करत आहेत.
मुख्यमंत्री विजयन यांनी दावा केला आहे की, K-FON च्या सेवा इतर सेवा पुरवठादारांच्या तुलनेत कमी किमतीत उपलब्ध होतील. येथे शहरी आणि ग्रामीण भागात उच्च गतीने गुणवत्ता दिली जाईल.
किंमतीबद्दल बोलायचे झाल्यास, या सेवेसाठी सर्वात मूलभूत पॅक 299 रुपये (जीएसटीशिवाय) असेल. या प्लॅनमध्ये नागरिकांना 20Mbps च्या स्पीडसह 3,000GB डेटा दिला जाईल.
याचा सर्वात मोठा फायदा म्हणजे आता प्रत्येक गरीब कुटुंबाला मोफत इंटरनेट पुरवता येणार आहे. अंत्योदय यादीत नाव असलेल्या किंवा बीपीएल कार्ड असलेल्या प्रत्येक कुटुंबाला मोफत इंटरनेट मिळेल.
दुसरा मोठा फायदा म्हणजे KFON चे नेटवर्क निर्मीतीसाठी रिंग इन्फ्रास्ट्रक्चरचा वापर केला गेला आहे, ज्यामुळे त्याचे फायबर कापले जाण्यापासून संरक्षण होते.
तिसरा फायदा म्हणजे KFON केरळच्या 8 हजारांहून अधिक मोबाइल टॉवरशी जोडले जाईल, ज्यामुळे आवाजाची गुणवत्ताही चांगली होईल. सध्या, 80% पेक्षा जास्त टॉवर फायबर नेटवर्कशी जोडलेले नाहीत, ज्यामुळे 4G आणि 5G मध्ये देखील समस्या निर्माण झाली होती.
K-FON सेवेद्वारे राज्यातील सर्वात महाग योजना रु. 1,249 (GST शिवाय) असेल. यामध्ये नागरिकांना 250Mbps च्या स्पीडसह 5000GB डेटा दिला जाईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.