Law Dainik Gomantak
देश

Motor Vehicle Act: अल्पवयीन भावाला गाडी चालवायला देणं पडलं महागात; 34 हजार दंड अन्...

Kerala News: दुचाकीवरून इंडिकेटर किंवा रीअरव्ह्यू मिरर देखील गायब असल्याचा आरोप त्यांनी केला.

Ashutosh Masgaunde

Minor Driving Motorcycle: केरळ न्यायालयाने नुकतीच एका व्यक्तीला 34,000 हजार रुपये दंड आणि न्यायालय उठेपर्यंत साध्या कारावासाची शिक्षा सुनावली.

या दोषी व्यक्तीने त्याच्या अल्पवयीन भावाला त्याची मोटारसायकल चालवण्याची परवानगी दिली, तीही वाहनाच्या पुढील आणि मागील बाजूस नोंदणी क्रमांक नसताना.

एर्नाकुलमच्या अतिरिक्त मुख्य न्यायदंडाधिकारी नयना के.व्ही. यांनी हा आदेश दिला. तसेच त्यांनी वाहनाची नोंदणी 12 महिन्यांच्या कालावधीसाठी आणि आरोपीचा परवाना तीन महिन्यांसाठी रद्द करण्याचे निर्देश दिले.

वाहनाच्या पुढील आणि मागील बाजूस नोंदणी चिन्ह व क्रमांक न लावता अल्पवयीन मुलाने आरोपीच्या संमतीने त्याची मोटारसायकल लालवल्याचा आरोप आहे.

वाहनावर साइड गार्ड, इंडेकेटर किंवा रियर व्ह्यू मिरर बसवलेले नसल्याचा आरोपही करण्यात आला. याप्रकरणी आरोपींनी गुन्हा कबूल केला. यामध्ये आरोपीला कलम २४८ (२) सीआरपीसी अंतर्गत दोषी ठरवण्यात आले.

सहाय्यक मोटार वाहन निरीक्षक, प्रादेशिक परिवहन कार्यालय (अंमलबजावणी), कक्कनड यांनी तक्रार केल्यानंतर त्या व्यक्ती विरोधात गुन्हा दाखल झाला.

तक्रारीत सहाय्यक मोटार वाहन निरीक्षक यांनी दावा केला होता की, अल्पवयीन मुलाने त्याच्या मोठ्या भावाच्या परवानगीने 24 एप्रिल रोजी अलुवा ते पट्टेरीपुरमपर्यंत मोटारसायकल चालवली होती.

तक्रारदाराने त्या व्यक्तीवर केंद्रीय मोटार वाहन नियम आणि मोटार वाहन कायदा, 1988 नुसार दंडनीय गुन्ह्यांची नोंद करावी अशी मागणी केली. दुचाकीवरून दिशादर्शक दिवा किंवा रीअरव्ह्यू मिरर देखील गायब असल्याचा आरोप त्यांनी केला.

दंडाधिकार्‍यांनी आदेश देण्‍यापूर्वी, बाईकवर वाहनाच्या पुढील आणि मागे नोंदणीचे चिन्ह नसल्‍याची वस्तुस्थिती विचारात घेतली.

आदेशात न्यायालयाने एका वर्षासाठी वाहन नोंदणी रद्द केली आणि पुढील तीन महिन्यांसाठी त्या व्यक्तीचा ड्रायव्हिंग लायसन्सही रद्द केला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

India vs Pakistan: पाकड्यांचा पराभव अटळ! हेड-टू-हेड आकडेवारीत टीम इंडियाचा वरचष्मा, सूर्याची 'ब्लू आर्मी' करणार कमाल

Sanquelim Market Robbery: फसवणुकीचा नवा फंडा! देवासमोर ठेवण्यासाठी मागितले दागिने, भामट्याने केली लंपास सोन्याची पाटली आणि साखळी

Sonam Wangchuck Arrested: लेह हिंसाचारानंतर सामाजिक कार्यकर्ते सोनम वांगचुक यांना 'NSA' अंतर्गत अटक

Suryakumar Yadav Controversy: पाकची तक्रार फोल! 'सूर्या' फायनल खेळणार, उलट पाकिस्तानच आला अडचणीत; 'त्या' 2 खेळाडूंवर कारवाईची टांगती तलवार

'तू मूर्ख, देवाने तुला अक्कल कमी दिली; पक्षाच्या कार्यकर्त्यांवर बोलशील तर...',शेर्लेकरांना भाजप नेत्याने दिलेल्या धमकीचा फोन कॉल समोर Audio

SCROLL FOR NEXT