Punjab Assembly Election Result 2022 : पंजाबमधील सत्ताधारी असणाऱ्या काँग्रेसला धुळ चारत आम आदमी पक्षाने जोरदार मुसंडी मारत 92 जागांवर आघाडी घेतली आहे. तर सत्ताधारी असणाऱ्या काँग्रेसची केवळ 18 जागांवर आघाडी आहे. तर धक्कादायक म्हणजे काँग्रेसचे नेते आणि विद्यमान मुख्यमंत्री (CM) चरणजितसिंह चन्नी (CharanjitSingh Channi) यांचा पराभव झाला असून पंजाबचे काँग्रेस प्रदेशाध्यक्ष नवज्योतसिंह सिद्धू यांनाही पराभवाचा सामना करावा लागला आहे. त्यामुळे आप (AAP) ने देशाच्या राष्ट्रीय राजकारणात (politics) प्रवेश केला असून राष्ट्रीय पक्ष म्हणून आपली प्रतिमा बनवली आहे. तर नवज्योतसिंह सिद्धू यांच्या पराभवामुळे पंजाबच्या 'पॅड वूमन' चर्चेत आल्या आहेत. जीवनज्योत कौर यांनी नवज्योतसिंह सिद्धू आणि विक्रम माजिठिया यांना धूळ चारत आपला विजय खेचून आणला आहे. यामुळे त्यांच्याकडे 'जायंट किलर' म्हणून पाहिले जात आहे. (Jeevanjyot Kaur defeated Navjyot Singh Sidhu and Vikram Majithia)

पंजाब (Panjab) हा काँग्रेससाठी (Congress) बालेकिल्ला मानला जात होता. तर येथे काँग्रेसला (AAP) यश मिळेल असे वाटत होते. मात्र पंजाब काँग्रेसच्या हातातून निसटले असून सत्तेच्या चाव्या आप कडे गेल्या आहेत. येथे सगळ्यांना आचंबित करणारा निकाल लागला असून 'पॅड वूमन' (Pad Woman) म्हणून ओळख असणाऱ्या जीवनज्योत कौर यांनी पंजाब काँग्रेसच्या नवज्योत सिंह सिद्धू यांच्यासह अकाली दलाच्या (Akali Dal) विक्रम माजिठिया यांचाही अमृतसर (Amritsar) पूर्व या मतदारसंघामध्ये पराभव केला.

येथे फक्त नवज्योत सिंह सिद्धू आणि विक्रम माजिठिया यांच्यात लढत आहे, असे चित्र निर्माण करण्यात आले होते पण सिद्धू आणि माजिठिया यांच्या भांडणात तिसऱ्या चा लाभ या म्हणीप्रमाणे कौर यांचा विजय झाला. जीवनज्योती कौर या पंजाबमधील तुरुंगातील महिला (female prisons) कैद्यांना सॅनिटरी पॅड (Sanitary pads) देण्याचे काम करतात. तसेच त्यागरिबांच्या कल्याणासाठी ही झटत असतात.

पंजाबच्या जनतेचा जनादेश नम्रपणे स्वीकर

यानंतर काँग्रेस नेते नवज्योत सिंग सिद्धू (Navjot Singh Sidhu) यांनी आपला पराभव स्वीकारताना आपचे अभिनंदन केले आहे. तसेच ट्विट करत, जनतेचा आवाज हा देवाचा आवाज आहे. आपण पंजाबच्या जनतेचा जनादेश नम्रपणे स्वीकारतो. अभिनंदन!' असे म्हटले आहे.