जम्मू-काश्मीरमधील राजौरी येथे गुरुवारी सुरक्षा दल आणि दहशतवाद्यांमध्ये चकमक झाली. मिळालेल्या माहितीनुसार, आयईडी स्फोटात दोन जवान शहीद झाले आहेत, तर चार जवान जखमी झाले आहेत. जवानांना हेलिकॉप्टरने उपचारासाठी नेण्यात आले आहे.

तसेच, यात अनेक दहशतवादी ठार झाल्याच्या बातम्या समोर येत आहेत. परिसरातील इंटरनेट सेवाही बंद करण्यात आली आहे. जम्मू-काश्मीरमध्ये गेल्या तीन दिवसांतील ही तिसरी घटना आहे.

राजौरी जिल्ह्यातील कांडी टोले येथील केसरी भागात ही चकमक झाली. सूत्रांनी दिलेल्या माहितीनुसार, या भागात दोन ते तीन दहशतवादी अडकल्याची भीती आहे. पोलीस, लष्कर आणि सीआरपीएफच्या संयुक्त पथकाने ही कारवाई केली.

या भागात दहशतवादी असल्याची माहिती अधिकाऱ्यांना मिळाली होती. माहितीनंतर संयुक्त पथकाने नाकाबंदी करताना शोधमोहीम राबवली. सुरक्षा दलांची संयुक्त पथके घटनास्थळी दाखल होताच. तेवढ्यात लपलेल्या दहशतवाद्यांनी गोळीबार सुरू केला.

यापूर्वी बारामुल्ला जिल्ह्यात गुरुवारी झालेल्या चकमकीत दोन दहशतवादी ठार झाले होते. दहशतवाद्यांकडून एक एके 47 आणि एक पिस्तूलसह आक्षेपार्ह साहित्य, शस्त्रे आणि दारूगोळा जप्त करण्यात आला आहे. मारले गेलेले दोन्ही दहशतवादी स्थानिक असून ते प्रतिबंधित दहशतवादी संघटना लष्करशी संबंधित होते.

पोलिसांनी जारी केलेल्या एका निवेदनात असे म्हटले आहे की, “दोघेही प्रतिबंधित दहशतवादी संघटना लष्करचे स्थानिक दहशतवादी होते आणि त्यांची ओळख शोपियान जिल्ह्यातील शाकीर माजिद नजर आणि हनान अहमद सेह अशी होती. दोघेही मार्च 2023 मध्ये दहशतवादात सामील झाले होते. पुढील तपास अद्याप सुरू आहे.

बुधवारी कुपवाडामधील पिचनाड मच्छल सेक्टरजवळ जम्मू-काश्मीर पोलीस आणि भारतीय लष्कराने दोन दहशतवाद्यांना कंठस्नान घातले. ते घुसखोरीचा प्रयत्न करत होते.गुप्तचराच्या आधारे सोमवारी सैन्याला हाय अलर्टवर ठेवण्यात आले होते.