जम्मू-काश्मीरमधील अवंतीपोरा येथे मंगळवारी सकाळी दहशतवादी आणि सुरक्षा दलांमध्ये चकमक झाली, ज्यामध्ये दोन दहशतवादी ठार झाले. त्यांच्याकडून दोन एके 47 रायफल जप्त करण्यात आल्या आहेत. शाहीर राथेर आणि उमर युसूफ अशी ठार झालेल्या दहशतवाद्यांची नावे आहेत. चकमक संपल्यानंतर सुरक्षा दलांकडून शोध मोहीम राबवली जात आहे.

जम्मू-काश्मीर पोलिसांनी दिलेल्या माहितीनुसार, सोमवारी संध्याकाळी अवंतीपोरा येथील राजपोरा भागात सुरक्षा दल आणि दहशतवाद्यांमध्ये चकमक झाली.त्रालचा रहिवासी शाहिद राथेर आणि शोपियानचा रहिवासी उमर युसूफ अशी ठार झालेल्या दहशतवाद्यांची नावे असून त्यांची ओळख पटली आहे.

शाहिदचा अरिपाल येथील शकीला नावाच्या महिलेच्या आणि लुर्गम त्राल येथील सरकारी कर्मचारी जाविद अहमद यांच्या हत्येत सहभाग होता, असे काश्मीरचे पोलीस महानिरीक्षक (IGP) विजय कुमार यांनी सांगितले. पोलिसांनी घटनास्थळावरून दोन एके 47 रायफलसह गुन्हेगारी साहित्यही जप्त केले आहे. शोध मोहीम सुरू आहे.