YS Bhaskar Reddy: माजी खासदार विवेकानंद रेड्डी यांच्या हत्येप्रकरणी केंद्रीय अन्वेषण विभागाने ( CBI) आज आंध्र प्रदेशचे मुख्यमंत्री वायएस जगन मोहन रेड्डी यांचे काका वायएस भास्कर रेड्डी यांना अटक केली.
विवेकानंद रेड्डी हे आंध्र प्रदेशचे दिवंगत मुख्यमंत्री वायएस राजशेखर रेड्डी यांचे बंधू आणि आंध्र प्रदेशचे विद्यमान मुख्यमंत्री वायएस जगनमोहन रेड्डी यांचे काका आहेत.
राज्य विधानसभा निवडणुकीच्या काही आठवडे आधी 15 मार्च 2019 च्या रात्री त्यांची पुलिवेंडुला येथील त्यांच्या निवासस्थानी हत्या करण्यात आली.
दरम्यान, माजी खासदार आणि आंध्र प्रदेशचे मुख्यमंत्री जगन मोहन रेड्डी यांचे काका विवेकानंद रेड्डी यांच्या हत्येप्रकरणी भास्कर रेड्डी यांना सीबीआयच्या (CBI) पथकाने अटक केली आहे. या प्रकरणाचा सुरुवातीला राज्य गुन्हे अन्वेषण विभागाच्या विशेष तपास पथकाने (एसआयटी) तपास केला होता. पण जुलै 2020 मध्ये ते प्रकरण सीबीआयकडे सोपवण्यात आले.
सीबीआयच्या आरोपपत्रानुसार, विवेकानंद रेड्डी यांनी कडप्पा लोकसभा मतदारसंघातून अविनाश रेड्डी यांच्याऐवजी स्वत:साठी किंवा वायएस शर्मिला (मुख्यमंत्री जगन मोहन रेड्डी यांची बहीण) किंवा वायएस विजयम्मा (जगन मोहन रेड्डी यांची आई) यांच्यासाठी संसदीय निवडणुकीचे (Election) तिकीट मागितले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.