भारतीय सायबरसुरक्षा एजन्सी इंडियन कॉम्प्युटर इमर्जन्सी रिस्पॉन्स टीम (CERT-In) ने देशभरातील इंटरनेट वापरकर्त्यांसाठी हाय अलर्ट अलर्ट जारी केला आहे. हा अलर्ट Google Chrome आणि Mozilla Firefox या दोन लोकप्रिय वेब ब्राउझर वापरणाऱ्यांसाठी आहे. CERT-In ने इशारा दिला आहे की, या ब्राउझरच्या जुन्या व्हर्जनमध्ये अनेक धोकादायक असुरक्षा आढळल्या आहेत, ज्याचा फायदा हॅकर्स घेऊ शकतात.

CERT-In च्या अहवालानुसार, Chrome आणि Firefox च्या जुन्या आवृत्त्यांमध्ये अशा असुरक्षा आहेत ज्या हॅकर्सना वापरकर्त्याच्या सिस्टममध्ये घुसखोरी करण्याची परवानगी देऊ शकतात.

यामुळे हॅकर्स वापरकर्त्यांचा डेटा चोरी करू शकतात, डिव्हाइस रिमोटली नियंत्रित करू शकतात, खाजगी डेटामध्ये हॅकर्स सहज प्रवेश करू शकतो.

Google Chrome मध्ये सध्या आढळलेल्या गंभीर बग्समध्ये Use After Free, Integer Overflow, Heap Buffer Overflow यांचा समावेश आहे. हॅकर्स हे बग्स ब्राउझर क्रॅश करु शकतात किंवा दुर्भावनापूर्ण वेबसाइटवर क्लिक केल्यास संगणकावर कोड स्वयंचलितपणे रन होऊ शकतो.

Mozilla Firefox मध्ये आढळलेले गंभीर बग्स - cookie Storage Isolation, JavaScript JIT Error, Graphics Overflow यांचा समावेश आहे. या त्रुटींमुळे वापरकर्त्यांचे ब्राउझिंग डेटा आणि पासवर्ड चोरीला जाऊ शकतात.

सर्वात जास्त धोका कोणाला आहे?

CERT-In नुसार, हा धोका केवळ वैयक्तिक वापरकर्त्यांपुरता मर्यादित नाही. सरकारी विभाग, खाजगी कंपन्या आणि बँकांचे नेटवर्क देखील धोक्यात आहेत. जर नेटवर्कवर जुने ब्राउझर चालू असतील, तर हॅकर्स संपूर्ण सिस्टममध्ये प्रवेश मिळवू शकतात आणि संवेदनशील माहिती चोरू शकतात. सरकारने Chrome आणि Firefox वापरकर्त्यांना ताबडतोब ब्राउझर अपडेट करण्याचा सल्ला दिला आहे.

Google Chrome वापरकर्ते

आवृत्ती 137.0.7151.119 (Windows/Linux) किंवा 137.0.7151.120 (MacOS) पेक्षा जुनी असल्यास ताबडतोब अपडेट करा. यासाठी ब्राउझरमध्ये जाईन “Help → About Google Chrome” Updateवर क्लिक करा.

Mozilla Firefox वापरकर्ते

नवीनतम व्हर्जनमध्ये सुरक्षा पॅच उपलब्ध आहे. ब्राउझरमध्ये जाऊन Menu → Help → About Firefox → Install Updateवर क्लिक करा. यामुले तुमचं ब्राउझरचं व्हर्जन अपडेट होईल.

अपडेट करणे का महत्त्वाचे आहे?

ब्राउझर अपडेट्स केवळ नवीन वैशिष्ट्ये देत नाहीत तर असलेल्या असुरक्षा दुरुस्त करतात. जर वापरकर्ता अपडेट करण्यात अयशस्वी झाला, तर त्यांची सिस्टम हॅकर्ससाठी सोपे लक्ष्य बनते. अलीकडील काही महिन्यांत फिशिंग आणि रॅन्समवेअर हल्ले वाढले आहेत, त्यामुळे इंटरनेट वापरताना सावधगिरी बाळगणे अत्यंत आवश्यक आहे.

संशयास्पद वेबसाइट किंवा लिंकवर क्लिक करू नका. अज्ञात ईमेल किंवा संदेशातील लिंक तपासा. वापरत नसलेले एक्सटेंशन किंवा अ‍ॅड-ऑन काढा. अँटीव्हायरस आणि फायरवॉल नेहमी सक्रिय ठेवा.