भारतीय लष्कराला (Indian Army) 12 देशी विकसित शॉर्ट स्पॅन ब्रिजिंग सिस्टम (short span bridging systems) मिळाली आहे. म्हणजेच आता पाकिस्तानला लागणार्‍या पश्चिम सीमेवर कारवाईसाठी स्वदेशी पूल मिळाल्याने सैन्याला मोठा दिलासा मिळणार आहे. शॉर्ट स्पॅन ब्रिजिंग सिस्टम लहान नद्या आणि कालवे यासारख्या भौगोलिक अडचणींमध्ये सैन्याला सुविधा देईल. 10-10 मीटरच्या 12 ब्रिजिंग सिस्टम म्हणजे छोटे छोटे पुल पाकिस्तानच्या पश्चिम सीमेवर कार्यरत असतील. डीआरडीओ प्रमुख डॉ. जी सतीश रेड्डी आणि लष्कर प्रमुख एम.एम. नारावणे यांच्या उपस्थितीत ही यंत्रणा सैन्याच्या ताब्यात देण्यात आली. (Indian Army inducts the 1st batch of 12 indigenously designed & developed Short Span Bridging systems)

पहिली 12 स्वदेशी ब्रिजिंग

कोर ऑफ इंजिनियर्स मध्ये 492 कोटी रूपयाची पहिली 12 स्वदेशी ब्रिजिंग प्रणाली विकसित केली आहे. सैन्याच्या अधिकाऱ्याने सांगितले की शॉट ब्रिजिंग सिस्टमद्वारे कोणत्याही अडचणीवर मात करता येते. हे बिजिंग 70 टन वजन पाण्यातून वाहून नेण्यास सक्षम आहे. कॉर्पस ऑफ इंजिनिअर्सची ही यंत्रणा ब्रिजिंग क्षमतेला कितीतरी पटिने वाढविते.

“आत्मनिर्भर भारताच्या ध्येयाकडे पाहण्याची ही पहिली आणि यशस्वी पायरी आहे. याला तयार करणाऱ्या सगळ्यांचे मी कौतुक करतो. सैन्यात ही सिस्टीम सामील झाल्याने अधिक सामर्थ्य वाढले आहे, असे लष्कर प्रमुख नरवणे म्हणाले.

डीआरडीओ आणि सैन्याच्या मदतीने ही यंत्रणा विकसित केली गेली आहे. सध्या त्याची चाचणी कोलारमध्ये सुरू आहे. भारत इलेक्ट्रॉनिक्सने यासाठी टेक्नोलॉजी ट्रांसफर केली आहे. त्यासाठी पुढील तयारी व विचार सुरू आहे, असे ही यंत्रणा सैन्यात सामिल झाल्यानंतर डीआरडीओ चीफ डॉ. जी सत्येश रेड्डी सांगत होते.