मुख्य निवडणूक आयुक्त (CEC) म्हणून पदभार स्वीकारल्यानंतर राजीव कुमार (Rajiv Kumar) यांनी आज पहिली बैठक घेतली आहे. या बैठकीला निवडणूक आयुक्त (EC) अनूप चंद्र पांडेही यावेळी उपस्थित होते. राजीव कुमार यांनी पहिल्याच बैठकीत अनेक महत्त्वाचे निर्णय घेतले आहेत. बैठकीत, निर्णय घेण्यात आला की CEC आणि EC सध्या त्यांना भरलेल्या कोणत्याही आयकराचा लाभ घेणार नाहीत. तसेच योग्य कार्यवाहीसाठी केंद्र सरकारकडे प्रस्ताव पाठविण्याचा निर्णय घेण्यात आला. (In the first meeting of CEC and EC the Election Commissioner took a big decision)

CEC आणि EC त्यांच्याकडे सध्या उपलब्ध असलेल्या तीन LTC ऐवजी एका वर्षात फक्त एक LTC वापरतील असा निर्णय बैठकीत घेण्यात आला आहे. राजीव कुमार मुख्य निवडणूक आयुक्त बनल्यानंतर होणार्‍या राष्ट्रपती आणि उपराष्ट्रपती पदाच्या निवडणुका घेण्याची सर्वात मोठी जबाबदारी त्यांच्यावर आहे. निवडणूक आयोगाने (EC) दिलेल्या निवेदनानुसार, कुमार म्हणाले की आयोग कोणत्याही सुधारणा घडवून आणण्यासाठी सहमती निर्माण करण्याच्या आणि सल्लामसलत करण्याच्या दीर्घकालीन पद्धतींचे पालन करेल आणि कठोर निर्णय घेण्यास मागेपुढे पाहणार नाहीये.

राजीव कुमार फेब्रुवारी 2025 पर्यंत पदभार सांभाळणार आहेत

अध्यक्ष आणि उपाध्यक्षपदासाठी जुलै-ऑगस्टमध्ये निवडणूका होणार आहेत. कुमार यांच्या कार्यकाळात 2024 च्या लोकसभा निवडणुका आणि अनेक विधानसभा निवडणुका पार पडणार आहेत. त्यांचा कार्यकाळ फेब्रुवारी 2025 पर्यंत असणार आहे. ते 1 सप्टेंबर 2020 पासून निवडणूक आयुक्त म्हणून निवडणूक आयोगाशी संबंधित कार्यरत होते आणि गुरुवारी त्यांची सीईसी म्हणून नियुक्ती झाली आहे. ते शनिवारी निवृत्त झालेल्या सुशील चंद्रा यांची जागा घेणार आहेत. निवडणूक आयोगाच्या निवेदनानुसार, सीईसी म्हणून पदभार स्वीकारल्यानंतर, कुमार म्हणाले की, आपल्या लोकशाहीला बळकट करणारी संस्था, प्रमुख संस्थांपैकी एकाचे नेतृत्व करण्याची जबाबदारी मिळाल्याचा मला सन्मान वाटतो आहे.