कोरोना विषाणुच्या संसर्गामुळे (COVID19) जगभरात निर्णाण झालेल्या परिस्थितीमुळे बंद असलेल्या शाळा (School) पुन्हा सुरू करण्याबद्दल ICMRने महत्वाची माहिती दिल्याचे समजते. याबद्दल सुरुवातीला प्राथमिक शाळा प्रथम उघडता येतील आणि त्यानंतर माध्यमिक शाळा (Highschool) सुरू करण्याचा विचार करावा असे ICMR कडुन सांगण्यात आले आहे. तसेच, जिल्हा आणि राज्यस्तरावर हा निर्णय घेण्यात येणार असुन त्यासाठी वेगवेळे निष्कर्ष ठेवण्यात येणार आहे. (ICMR provided important information about the opening of the school)

ICMRचे डीजी डॉ. बलराम भार्गव म्हणाले की, लहान मुले व्हायरसचा सहजपणे सामना करु शकतात. त्यांच्या फुफ्फुसात विषाणू जातात त्याठिकाणी कमी रिसेप्टर्स असतात. सेरो सर्वेक्षणात असे दिसून आले आहे की 6 ते 9 वर्षे वयोगटातील मुलांच्या शरिरात प्रौढांसारख्याच अंटीबॉडीज असल्याचे दिसुन आले आहे. तसेच पुढे ते म्हणाले की, युरोपमधील बर्‍याच देशांमध्ये प्राथमिक शाळा सुरु करण्यात आल्या आहेत. तर बऱ्याच ठिकाणी कोरोनाच्या कोणत्याही लाटेत शाळा बंद नव्हत्या. त्यामुळे आमचे मत आहे की, प्राथमिक शाळा उघडल्या जाऊ शकतात.

या विषयावर बोलताना ते म्हणाले की, माध्यमिक शाळा पुन्हा सुरू करता येतील. परंतु हे पाहणे आवश्यक आहे की शिक्षकांपासून सर्व कर्मचार्‍यांना लस देण्यात आली आहे. तसेच जिल्हा आणि राज्यस्तरावर हा निर्णय घेण्यात येईल. हा निर्णय शाळेशी निगडीत सर्व लोकांना याची लस मिळण्याची खात्री करावी लागेल, तेथे चाचणी सकारात्मकतेचे प्रमाण किती आहे आणि सार्वजनिक आरोग्याची परिस्थिती काय आहे याची देखील काळजी घ्यावी लागेल.