Madhya Pradesh: मध्य प्रदेशातील जबलपूरमध्ये हिंदू मुलींच्या घटत्या संख्येमागे लव्ह जिहाद असल्याचा आरोप हिंदू धर्म सेनेने केला आहे. याविरोधात संघटनेने मुस्लिम मुलींशी लग्न करणाऱ्या हिंदू मुलांना 11 हजार रुपयांचे रोख बक्षीस जाहीर केले.
लव्ह जिहादवर नवा वाद निर्माण करत उजव्या विचारसरणीच्या 'धर्म सेने'ने गुरुवारी मुस्लिम मुलींशी लग्न करणाऱ्या हिंदू मुलांना 11,000 रुपयांचे रोख बक्षीस जाहीर केले.
दरम्यान, धर्म सेनेचे संस्थापक आणि प्रमुख योगेश अग्रवाल म्हणाले की, मुस्लिम (Muslim) संघटना ज्या प्रकारे 'लव्ह जिहाद'चा प्रसार करत आहेत, हिंदूंना पुढे येऊन त्यांच्या मुलांना मुस्लिम मुलींशी लग्न करण्यासाठी प्रोत्साहित करावे लागेल. अग्रवाल पुढे म्हणाले की, या धर्मांतरामुळे हिंदू मुलींची संख्या कमी होत चालली आहे.
अग्रवाल पुढे म्हणाले की, "मुस्लीम मुलीवर प्रेम करणाऱ्या हिंदू तरुणाने तिच्याशी लग्न करण्याचा निर्णय घेतल्यास, धर्म सेना सगळी व्यवस्था करेल. विशेष म्हणजे त्याला 11 हजार रुपयांचे रोख बक्षीसही देईल.''
दुसरीकडे, धर्म सेना ही जबलपूरमधील जुनी हिंदू संघटना असून 200 हून अधिक सक्रीय कार्यकर्ते आहेत. ही संघटना आधी भारतीय जनता पक्ष आणि राष्ट्रीय स्वयंसेवक संघाशी निगडीत होती, पण नंतर दोघांशी संबंध तोडले.
देशभरात 'लव्ह जिहाद'च्या माध्यमातून मुस्लिम मुलांकडून हिंदू मुलींना फूस लावण्याच्या कथित वाढत्या घटना पाहता हे पाऊल उचलण्यात आल्याचे अग्रवाल यांनी सांगितले. सध्या ही रक्कम 11,000 रुपये असेल, मात्र त्यांनी कुठून तरी आर्थिक मदतीची व्यवस्था केल्यास बक्षीस वाढवले जाईल, असेही त्यांनी सांगितले.
ते पुढे म्हणाले की, 'देशात हिंदू मुलींची संख्या कमी झाली असून हा उपक्रम सध्या अत्यंत आवश्यक आहे.' अग्रवाल नुकतेच जबलपूरमधील एका हिंदू (Hindu) मुलीच्या अंत्यसंस्कारात सहभागी झाले होते, जिने मुस्लिम तरुणाशी लग्न केले होते. ही तरुणी 'लव्ह जिहाद'ची शिकार झाली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.