दिल्लीसह भारतातील बहुतांश भाग सध्या उष्णतेच्या लाटेशी झुंज देत आहेत. पुढील 4 ते 5 दिवसांत उत्तर पश्चिम आणि मध्य भारतात उष्णतेची लाट येण्याची शक्यता भारतीय हवामानशास्त्र विभागाने (IMD) वर्तवली आहे. आयएमडीने म्हटले आहे की पुढील 3 दिवसांत उत्तर पश्चिम आणि मध्य भारतातील अनेक भागांमध्ये कमाल तापमान सुमारे 2 अंश सेल्सिअसने वाढेल. मात्र, त्यानंतर कमाल तापमानात विशेष बदल होणार नाही. (Heat Wave Spell likely to continue over Northwest and Central India during next 5 days)

हवामान खात्यानुसार येत्या काही दिवसांत पश्चिम राजस्थानमध्ये उष्णतेची तीव्र लाट येण्याची दाट शक्यता आहे. एका प्रसिद्धीपत्रकात, IMD ने म्हटले आहे की, "पुढील 5 दिवसांत पश्चिम राजस्थानच्या वेगळ्या भागांमध्ये तीव्र उष्णतेच्या लाटेसह बहुतेक भागांमध्ये उष्णतेची लाट असेल. त्याचप्रमाणे पूर्व राजस्थानच्या काही भागात पुढील 5 दिवसांत उष्णतेच्या लाटेची स्थिती दिसून येईल आणि वेगळ्या ठिकाणी तीव्र उष्णतेची स्थिती असेल.

उत्तर आणि मध्य भारतात उष्णतेची लाट

पुढील पाच दिवसांत दक्षिण हरियाणा-दिल्ली, पश्चिम उत्तर प्रदेश आणि मध्य प्रदेशच्या वेगळ्या भागांमध्ये तीव्र उष्णतेची लाट कायम राहण्याची शक्यता आहे. दरम्यान, IMD ने पुढील काही दिवसांत हिमाचल प्रदेश, विदर्भ आणि बिहारच्या वेगळ्या भागांमध्ये उष्णतेची लाट येण्याची शक्यता वर्तवली आहे.

आयएमडीने आपल्या प्रसिद्धीपत्रकात म्हटले आहे की, पुढील 5 दिवसांत हिमाचल प्रदेश, विदर्भ आणि बिहारच्या वेगळ्या भागांमध्ये उष्णतेची लाट राहील. पुढील 2-3 दिवसांमध्ये, मध्य महाराष्ट्र आणि जम्मू विभागात, 06 ते 08 एप्रिल दरम्यान झारखंडवर, 07 ते 10 एप्रिल 2022 दरम्यान दक्षिण पंजाब आणि 09 ते 10 एप्रिल 2022 दरम्यान छत्तीसगडमध्ये उष्णतेच्या लाटेचा प्रभाव राहील.

या राज्यांमध्ये मुसळधार ते हलक्या पावसाची शक्यता आहे

दरम्यान, 10 एप्रिलपर्यंत केरळ-माहे, तामिळनाडू- पुद्दुचेरी-कराईकल, किनारपट्टी आणि दक्षिण अंतर्गत कर्नाटकात मेघगर्जनेसह हल्यक्या स्वरूपाचा पाऊस पडण्याची शक्यता आहे. दक्षिण अंदमान समुद्र आणि त्याच्या लगतच्या प्रदेशात चक्रीवादळामुळे, तर पुढील 48 तासांत आग्नेय बंगालच्या उपसागरात कमी दाबाचे क्षेत्र तयार होण्याची शक्यता आहे.